Noe-ren Ontzia (antologia)
Noe-ren Ontzia Antonio Zavalak atondutako bertso-antologia ezaguna da. 1979an plazaratua, egile desberdinen bertso paperak bildu zituen, gehienak anonimoak, nahiko gai bitxi baten inguruan: animalien gaineko bertsoak.
| Noe-ren Ontzia (antologia) | |
|---|---|
| Jatorria | |
| Egilea(k) | Antonio Zabala |
| Argitaratze-data | 1979 |
| Izenburua | Noe-ren Ontzia |
| Argitaletxea | Auspoa |
| Ezaugarriak | |
| Genero artistikoa | bertsolaritza |
| Hizkuntza | euskara |
Edukia
Nahiz eta Bibliako izenburua izan, liburu honen edukiak ez dauka Noerekin inongo loturarik. Antologia egiteko garaian Zavalak hiru baldintza jarri zituen, alegia, anonimoak izatearena, lehorreko abereak edo piztiak izatea eta Hego Euskal Herriko bertsolariak izatea. Hitzaurrean etorkizunean Iparraldeko bertsolariena egiteko asmoa azaldu zuen baina azkenik ez zuen bete.
Jasotako bertso zaharrenak 1840koak dira. Liburu honen orrialdetan etxeko abere ugari topatuko ditugu: katua, astoa, zakurra, ahuntza... Baita ere mendikoak, adibidez, hontza. Horrela justifikatu zuen gaiaren aukeraketa: "Olakorik zergatik gertatu dan, errez soma genezake. Euskal bertsolaria, geienetan nekazaria izanik, abere-zalea izan da. Are geiago: aiekin bizi da, izketan ere egiten die, personak ez diranik etzaio bururatzen. Ta ala abere oiek bertso-gai biurtu zaizkio bein baiño geiagotan".[1]
Erreferentziak
- 12 or.
