Nino Burjanadze

1986an graduatu zen Tbilisiko Estatu Unibertsitateko Zuzenbide Fakultatean. Moskuko Estatuko Unibertsitatean ikasi zuen 1986tik 1989ra bitartean, eta 1990ean Nazioarteko Zuzenbidean doktoratu zen. 1991tik irakasle elkartua izan da Nazioarteko Zuzenbideko Fakultatean Tbilisiko Estatu Unibertsitatean. Mendebaldearen aldeko jarreragatik nabarmendu da, eta publikoki esan du Georgia Europar Batasunean eta NATOn lehenbailehen sartzea nahiko zuela.

Diputatu hautatu zuten 1995ean, eta OSCEko Parlamentuko Batzarreko lehendakariorde izan zen 2000ra arte. Eduard Xevarnadze presidentearen alderdian aritu zen 2002ra arte, hura utzi eta independenteen talde batean aurkeztu zen arte. Georgiako lehendakari izan zen 2003ko azaroaren 23tik 2004ko urtarrilaren 25era, Larrosen Iraultzaren ondorioz Eduard Xevardnadzek karguari uko egin ondoren.

Hurrengo hauteskundeetan Mikheil Sakaixvili presidente hautatu ondoren, Burjanadzek Georgiako parlamentuko lehendakaritzari ekin zion berriro. Baita geroago ere eta, 2007ko azaroaren 25etik 2008ko urtarrilaren 20ra bitartean, non Davit Bakradzek parlamentuko lehendakari gisa ordezkatu zuen.[1] 2013ko presidentziarako hauteskundeetara aurkeztu zen, baina Giorgi Margvelaixvilik irabazi zuen.[2]

• Artikulu hau, osorik edo zatiren batean, katalanezko wikipediako «Nino Burjanadze» artikulutik itzulia izan da, 2022-08-12 data duen 30539447 bertsioa oinarritzat hartuta. Sartze-datarik ez duten erreferentziak, edo 2022-08-12 baino lehenago datatuak, jatorrizko artikulutik ekarri dira itzulpenarekin batera.