Nikolai Nekrasov

Nikolai Nekrasov
	; Irudi gehiago
Bizitza
Jaiotza	Nemyriv (en) , 1821eko azaroaren 28a (juliotar egutegia)
Herrialdea	Errusiar Inperioa
Lehen hizkuntza	errusiera
Heriotza	San Petersburgo, 1877ko abenduaren 27a (juliotar egutegia) (56 urte)
Hobiratze lekua	Novodevichy Cemetery (en)
Heriotza modua	berezko heriotza: ondesteko minbizia
Familia
Ezkontidea(k)	ezkongabea
Bikotekidea(k)	ikusi Avdotya Panaeva (en) ;
Anai-arrebak	ikusi Anna Alekseyevna Butkevich (en) ;
Hezkuntza
Heziketa	San Petersburgoko Estatu-Unibertsitatea ; San Petersburgoko Unibertsitate Inperiala ; (1839 - 1841)
Hizkuntzak	errusiera
Jarduerak
Jarduerak	poeta, idazlea, autobiografialaria, literatura-kritikaria, kazetaria eta iritzi-kazetaria
Enplegatzailea(k)	Otechestvennye Zapiski (en)
Genero artistikoa	olerkigintza

Nikolai Alexeievitx Nekrasov (Nemirov, Ukraina, 1821eko abenduaren 10a^greg./azaroaren 28a^jul. - San Petersburgo, 1878ko urtarrilaren 8a^greg./1877ko abenduaren 28a^jul.) errusiar olerkaria eta kazetaria izan zen.

Nikolai Alexeievitx Nekrasov.

Biografia

San Petersburgoko Unibertsitatean ikasi zuen (1839-1841), aitak, armadako ofiziala izanik, militar-ikasketak egin zitzan nahi bazuen ere. Laguntza ekonomikorik gabe, estutasun handiz bizi izan zen. Hala ere, gazte-gaztetatik hasi zen idazten: poesia, kritika, narrazioak eta vaudeville frantsesen moldapenak.

1846tik aurrera zenbait agerkari arrakastatsuren argitaratzaile eta zuzendari izan zen: Petersburgoko antologia (1846) eta Apirilaren lehena (1846) almanakak; Garaikidea (1847-1866) eta Aberriaren kronikak (1868-1878) aldizkariak. Belinski, Herzen, Turgeniev eta Dostoievskiren mailako idazleekin batera, berak ere esku hartu ohi zuen agerkari haietan.

Poesia-liburuak ondu zituen; ezagunenak herri-kanten estiloan egin zituen. Nekrasov nekazari-herriaren kantaria izan zen: jopuen askatasuna eta justizia soziala izan zen bere obraren ardatza eta ideia nagusia. Bizi zelarik oso ezaguna izan zen; haren hiletetan Dostoievski eta Plekhanov mintzatu ziren, eta Errusiako herriak egundaino idazle bati egindako omenaldirik handiena eskaini zion.

Hona Nekrasoven poema ezagunenetariko batzuk: Satxa (1855), Sudur gorriko izotza (1863), Errusiako emakumeak (1873), Errusian nor bizi da zoriontsu? (1865-1876). Sinbolistek Nekrasoven hizkuntzaren aberastasuna, irudiak eta estiloa izan zituzten oinarri.

Wikimedia Commonsen badira fitxategi gehiago, gai hau dutenak: Nikolai Nekrasov

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q208003
Multimedia: Nikolay Nekrasov / Q208003

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.