Nieves Quintana

Nieves Quintana Pérez (Done Bikendi Harana, Araba, 1965eko martxoaren 8a) nekazaria da, Otazuko Kontzejuko lehendakaria, eta UAGAko (Arabako nekazaritza- eta abeltzaintza-sindikatua) zuzendaritza-batzordean parte hartu duen lehen hiru emakumeetako bat.

Nieves Quintana
Bizitza
JaiotzaDone Bikendi Harana, 1965eko martxoaren 8a (59 urte)
Herrialdea Araba
Hezkuntza
Hizkuntzakgaztelania
Jarduerak
Jardueraknekazaria
KidetzaEHNE

Biografia

Nieves Quintana Pérez Done Bikendi Haranan edo San Vicente de Aranan jaio zen 1965ean nekazaritza eta abeltzaintzako familia batean.[1] Lehen Mailako Ikasketak egin zituen Santikurutze Kanpezuko ikastetxean eta, ondoren, bere lana egiteko beharrezko gaitasunetan trebatu zen: informatika, kontabilitatea, nekazaritzara egokitutako kudeaketa eta bizitako esperientzian oinarritutako beste asko.[2] Gaztetan, ez zuen familiako lanarekin jarraitu nahi nekazaritzan eta abeltzaintzan, baina 1992ko irailaz geroztik bizitzak Otazuko nekazaritzako ustiategi baten titularra izatera eraman zuen.[2]

Ibilbide profesionala
Nekazaritza

Quintana nekazaritzako ustiategiaren titularra da. Nekazaritzako Gizarte Segurantzan alta hartzea 3 urte eta epaiketa kostatu zitzaion, 1996an lortu zuen arte. Gizarte Segurantzan esaten zioten "senarrak irabazten zuen dirua nahikoa zela familia unitatea mantentzeko".[3][1] Nekazaritzako emakumeen aldarrikapenei eta egindako lan sindikalari esker, araudia eguneratu zen. Gizonek gizarte-segurantzan kotizatzea eskatzen zutenean, tramite hutsa zen. Nieves, prozesu hori bizitzeak "indartsuago bihurtu zuen iristear zegoenari aurre egiteko, mundu tradizional eta matxistan emakume izateagatik".[2][3]

Elkarte-ibilbidea

1992tik Unión Agroganadera de Álava (UAGA) sindikatuko kide da eta AGA kooperatibako bazkide ere bai. 1999. urtetik 2000. urtera Gure Soroa Arabako nekazaritza emakumeen elkarteko diruzaina izan zen.[4] 2006an, Brasileko Porto Alegre hirian FAOren Nekazaritza Erreformari eta Landa Garapenari buruzko Nazioarteko Konferentzian Europako ordezkaria izan zen.[5]

2007tik 2011ra Yolanda Urarte eta Eva Lopez de Arroyaberekin batera, UAGA nekazaritza sindikatuko exekutiboko lehen hiru emakumeetako bat izan zen.[6][7]

2011etik 2015era Euskadiko Nekazaritzako Elikagai Kooperatiben Federazioko Kontseilu Errektoreko kidea, eta Kontseiluko emakume bakarra.[8] Eta legegintzaldi baten ondoren "izerdi" berria iristea osasungarria dela uste duen pertsona bakarretako bat, joera karguak berritzeko aukerarik gabe iraunaraztea baita.[9]

2017an Otazuko Administrazio Batzarreko lehendakari hautatu zuten.[10] Hainbat legegintzalditan izan da batzordekide, 1997-2001 eta 2005-2009.[11] 2017az geroztik, Gasteizko Kontzejuen Elkarteko (ACOVI) kide[12] eta 2019ko ekainetik, ACOVIko lehendakaria.[13]

Gure Soroa Arabako Nekazari Emakumeen Elkarteko kidea da. Elkarte horretan Zuzendaritza Batzordeko kide izan da behin baino gehiagotan, nekazaritzaren sektorean emakumeek duten zeregina aldarrikatzeko.[1]

Emakumerik gabe, landa-mundua ez litzateke existituko, landa-eremuko emakumeak ikusgai jartzeko eta berdintasun eraginkorraren alde egiteko garaia da.[14]

Erreferentziak
  1. «Nieves Quintana, agricultora» www.eitb.eus.
  2. Eitb. «La Visibilidad De La Mujer Agricultora Y Ganadera | Plaza Nueva Fin De Semana (2012-2013) 27/10/2011 | Radio a la carta | EITB Radios» www.eitb.tv.
  3. Mujeres, ¡en pie!. 8 de marzo de 2009.
  4. «Gure Soroa» guresoroa.kzcomunidades.net.
  5. «La FAO y Brasil preparan una conferencia internacional sobre reforma agraria y desarrollo rural» www.fao.org.
  6. «Las nuevas caras de la UAGA. El Correo» www.elcorreo.com.
  7. «La patata alavesa apela al mercado local mientras pasa su peor momento - GARA» gara.naiz.eus.
  8. «Memoria Anual 2014 - Federación de Cooperativas Agro-Alimentarias de Euskadi» 2014.
  9. Memoria anual 2014 de la Federación de Cooperativas Agroalimentarias de Euskadi. .
  10. Boletín Oficial del Territorio Histórico de Álava. (2017). [https://www.araba.eus/botha/Boletines/2017/138/2017_138_04373_C.pdf Proclamación de la Junta Electoral del Territorio Histórico de Álava de los presidentes-regidores/as y vocales de los concejos, que han resultado elegidos en las pasadas elecciones celebradas el 26 de noviembre de 2017. ].
  11. Candidaturas a las elecciones a Concejos 2015. .
  12. Vasca, EiTB Radio Televisión Pública. «Recibimos a los concejos de Vitoria y subimos a Estíbaliz» www.eitb.eus.
  13. «Relevo al frente de la Asociación de Concejos de Vitoria-Gasteiz» www.eitb.eus.
  14. Vasca, EiTB Radio Televisión Pública. «Nieves Quintana: 'sin mujeres, el mundo rural no existiría'» www.eitb.eus.

Kanpo estekak

 * Bideoa: Nieves Quintana, Otazukoa eta ACOVI-GKE-ko presidentea ; Turismoa, zaratak | Qué me estás contando | EITB

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.