Nextcloud

Nextcloud edo NextCloud fitxategiak ostatzeko zerbitzua ematen duen bezero-zerbitzari software multzo libre[2] bat da. ownCloud zerbitzuaren fork bat da.[3][4]Zerbitzarirako softwarea ematen du aukera etxean, elkartean, enpresan... bertan fitxategiak gordetzeko. Fitxategi horiek kargatu, deskargatu eta editatu daitezke web aplikazio baten bidez edo Nextcloud-en mahaigaineko edo mugikorrerako bezero aplikazioen bidez.

 Nextcloud
Jatorria
Sortzailea(k)Frank Karlitschek (en) Itzuli
Sorrera-urtea2016
Banatze bideadeskarga digitala
Azken bertsioa28.0.3
Ezaugarriak
EuskarriaiOS eta Android
Sarrera gailuasagua eta ukimen-pantaila
Programazio-lengoaiaPHP eta JavaScript
Adin-sailkapenaPEGI 3
Irakur dezakeMicrosoft Windows, macOS, iOS, Android eta UNIX-moduko
Egile-eskubideakcopyright, egile-eskubideen titularrak jabari publikoari eskainia
LizentziaGNU Affero General Public License, version 3.0 or later (en) Itzuli
Deskribapena
OinarrituaownCloud
Ekoizpena
GaratzaileaNextcloud GmbH (en) Itzuli
Euskaraz
EuskarazLanean[1]
nextcloud.com
Facebook: Nextclouders Twitter: Nextclouders Mastodon: nextcloud@mastodon.xyz Instagram: nextclouders Youtube: UCQjN5Fs5QSz1loJqLb5bkew GitHub: nextcloud Edit the value on Wikidata
Iturri-kodeahttps://github.com/nextcloud/server.git, https://github.com/nextcloud/desktop.git, https://github.com/nextcloud/android.git eta https://github.com/nextcloud/ios.git

Sinkronizazio software sistemen artean sailkatzen da, hau da, Nextcloud erabilita hainbat erabiltzailek batera, berehalakoan sinkronizatuz, editatzeko aukera izaten dute. Esate baterako LibreOffice online erabiltzeko aukera ematen du.[5][6]

Ezaugarriak

Nextcloud-eko fitxategiak direktorio konbentzionalen egituretan gordetzen dira, eta WebDAV bidez eskura daitezke, behar izanez gero. Erabiltzaile-fitxategiak enkriptatuta daude igarotzean, eta, aukeran, atsedenean. Nextcloud sinkroniza daiteke Windows (Windows 7, 8 eta 10), macOS (10.6 edo geroago) edo Linux-en hainbat banaketa exekutatzen dituzten tokiko bezeroekin.

Nextcloud-ek erabiltzaileak eta taldeak administratzeko aukera ematen du (OpenID edo LDAP bidez). Edukia partekatzeko, irakurketa-/idazketa-baimen pikortsuak defini daitezke erabiltzaileen eta taldeen artean. Bestalde, Nextcloud-en erabiltzaileek URL publikoak sor ditzakete fitxategiak partekatzean. Artxiboarekin lotutako ekintzen erregistroa ere eskuragarri dago, bai eta fitxategietara sartzeko arauetan oinarritutako sarbidea ukatzea ere.

Nextcloud-ek funtzio berriak planifikatu ditu, hala nola monitorizatzeko, testu osoa bilatzeko eta Kerberos-ak autentifikatzeko gaitasunak, audio/bideo hitzaldiak, federazio zabaldua eta erabiltzaile-interfaze txikiagoen hobekuntzak.

Softwarea modularra denez, pluginen bidez handitu daiteke, funtzionalitate gehigarria ezartzeko. Garatzaileek beren luzapenak beste erabiltzaile batzuei eskain diezazkiekete, fabrikatzaileak operatutako plataforma baten bidez instalatzeko. Plataforma hori Nextcloud-eko instantziekin komunikatzen da, protokolo ireki baten bidez. App Storek 200 luzapen baino gehiago ditu. Luzapen horien laguntzarekin, funtzionalitate asko gehi daitezke, besteak beste:

  • egutegiak (CalDAV)
  • kontaktuak (CardDAV)
  • transmisio-bideak (Ampache)
  • Interneten egoitza duen testu-editorea
  • markatze-zerbitzua
  • URL laburtze-suita
  • galeria
  • RSS elikadura-irakurgailua
  • dokumentuak bistaratzeko tresnak Nextcloud-en barrutik
  • Dropbox, Google Drive eta Amazon S3rako konexioa
  • Web-analisia (Matomo erabilera)
  • Edukiak kudeatzeko sistemen integrazioa, adibidez: Pico CMS
  • Iragarpen meteorologikorako bisorea
  • dicom-erako bisorea
  • Mapen bisorea
  • Sukaldeko errezeten kudeaketa

Azken bertsioak
Bertsioa Bertsioaren estreinaldia Bertsioaren azken aldaera Azken aldaeraren argitaratze data Ezaugarri batzuk
9 2016-06-14 9.0.58 2017-04-24
10 2016-08-25 10.0.6 2017-08-07
11 2016-12-13 11.0.8 2018-03-15
12 2017-05-22 12.0.12 2018-10-11
13 2018-02-06 13.0.12 2019-02-29 Erabiltzaile interfaze hobetua, bideo- eta testu-txata, muturretik muturrerako enkriptatzea, errendimendu hobetua.
14 2018-09-10 14.0.14 2019-08-16 Bideo egiaztapena, Signal/Telegram bidezko 2FA euskarria, elkarlan hobetua eta GDPR betetzea.
15 2018-12-10 15.0.14 2019-12-19
16 2019-04-25 16.0.11 2020-06-09
17 2019-09-30 17.0.9 2020-08-28
18 2020-01-17 18.0.9 2020-09-10
19 2020-06-03 19.0.3 2020-09-10
20 2020-10-03 20.0.9 2021-04-09
  • Bilaketa bateratua
  • Mahaigain berria eta bertan widgetak jartzeko aujera
  • Talk 10-ek Slack, IRC, Matrix eta beste batzuekin zubia jarri zuen
21 2021-02-22 21.0.2 2021-05-20
22 2021-07-06 22.0.0 2021-07-06

Erreferentziak
  1. «Nextcloud - Librezale.eus» librezale.eus (Noiz kontsultatua: 2018-11-10).
  2. (Ingelesez) «How To Set Up Your Own Cloud Storage On Linux With Next cloud» AddictiveTips 2017-05-29 (Noiz kontsultatua: 2018-10-23).
  3. «Luberri: Owncloud eta Nextcloud hodeiak» Luberri 2017-02-22 (Noiz kontsultatua: 2019-06-07).
  4. (Gaztelaniaz) «ownCloud vs. Nextcloud: ventajas e inconvenientes» 1&1 Digitalguide (Noiz kontsultatua: 2018-11-10).
  5. «LibreOfficeOnline eta Nextcloud batera lanean» sustatu.eus (Noiz kontsultatua: 2019-06-07).
  6. (Gaztelaniaz) «Nextcloud y Collabora anuncian mejoras en la integración de la suite ofimática » MuyLinux» MuyLinux 2018-10-23 (Noiz kontsultatua: 2018-10-24).

Ikus, gainera

Badaude ownCloud eta NextCloud software librearen alternatiba pribatiboak: Dropbox, Google Drive, Amazon S3, Baidu Cloud, OneDrive, Apple iCloud...

Kanpo estekak
Zirriborro Artikulu hau zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.