Necmettin Erbakan

Necmettin Erbakan
	; Irudi gehiago
; Turkiako Lehen Ministroa
; Turkiako Biltzar Nazional Nagusiaren kidea
Bizitza
Jaiotza	Sinope, 1926ko urriaren 29a
Herrialdea	Turkia
Heriotza	Ankara, 2011ko otsailaren 27a (84 urte)
Hobiratze lekua	Merkezefendi Cemetery (en)
Heriotza modua	: bihotz-gutxiegitasuna
Familia
Ezkontidea(k)	Nermin Erbakan (en) (1967 - 2005)
Seme-alabak	ikusi Fatih Erbakan (en) ;
Hezkuntza
Heziketa	Istanbul Technical University (en) ; Saud Erregea Unibertsitatea ; Istanbul High School (en) ; Londresko Unibertsitatea ; RWTH Aachen University (en) ; ITU School of Mechanical Engineering (en)
Hizkuntzak	turkiera
Jarduerak
Jarduerak	politikaria, ingeniaria eta unibertsitateko irakaslea
Enplegatzailea(k)	Istanbul Technical University (en)
Sinesmenak eta ideologia
Erlijioa	sunismoa
Alderdi politikoa	Ongizatearen Alderdia; National Order Party (en) ; National Salvation Party (en) ; Virtue Party (en) ; Felicity Party (en)

Necmettin Erbakan (Sinope, Turkia, 1926ko urriaren 29a - Ankara, Turkia, 2011ko otsailaren 27a) politikaria izan zen. Turkiako lehen ministro izan zen 1996-1997 urte bitartean. Erbakan izan zen 1923an Errepublika aldarrikatu zenetik Turkian agindu zuen lehenengo musulmana.

Bizitza

Istanbulgo Unibertsitate Teknikoan ikasi zuen, eta bertako irakasle izan zen. 1952. urtean doktore egin zen Ingeniaritza mekanikoan Akisgrango (Alemania) Unibertsitatean. 1969an irakaskuntzaren mundua utzi zuen Legebiltzarreko kide hautatu zutenean Konyako hautagai independente gisa. Handik urtebetera Ordena Nazionalaren Alderdia sortu zuen. 1971n lege martziala adierazi zenean, gobernuak Ordena Nazionalaren Alderdia deuseztatzea agindu zuen, alderdi hark erlijioa helburu politikoetarako erabiltzen baitzuen gobernuaren arabera. 1972an Salbazio Nazionalaren Alderdia sortu zuen. Alderdi horretako kide gisa Lehen Ministrorde izan zen hiru gobernualditan (1973-1978). Estatu-kolpe militarraren ondoren Erbakanaren alderdia deuseztatzea agindu zen 1980an, ibilaldi bat antolatu zuelako islamiar legea ezartzearen alde; hamar urtez politikatik kanpo egon behar izan zuen. 1987an Ongizatearen Alderdiko buruzagi izan zen. 1995eko hauteskundeetan Turkiako alderdi nagusia izan zen. Oposizioko alderdiak saiatu ziren Erbakan aginpidetik kentzen, Erbakanak Turkiako gobernu laikoaren ordez ordena soziala islamiarra ezarriko ote zuen beldur baitziren. Hala, 1997an dimititu egin behar izan zuen gudarostearen presioak zirela-eta. 1998an Erbakan bost urtez politikatik kanpo egotera kondenatu zuten, Estatu laikoaren kontra egiteagatik.

Erbakanen jarduera politikoak askotan debekatuta egon arren, Fazilet Partisi (Bertutearen Alderdia) sortzen lagundu zuen 1997. urtean. Erbakan Bertutearen Alderdiaren lehendakari izan zen 2003-2004 urteetan, eta berriro ere, 2010. urtetik bere heriotza arte (2011). 2001. urtean, Bertutearen Alderdia konstituzioaren aurkakotzat jo zen, eta geroago debekatua izan zen.

Erreferentziak

Wikimedia Commonsen badira fitxategi gehiago, gai hau dutenak: Necmettin Erbakan

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q243550
Multimedia: Necmettin Erbakan / Q243550

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.