Nazio Batuen Egoitza

Nazio Batuen Egoitza New York hiriko eraikin multzo bat da. Arkitektura-konplexu hau Nazio Batuen Erakundearen egoitza izan da eraikitzen lanak burutu zirenetik, 1952an[1]. Manhattango Turtle Bay auzunean dago kokatua, East River-era ematen duten zoru zabaletan. Bere mugak hauek dira: mendebaldean, Fist Avenue; hegoaldean East 42nd Street; iparraldean East 48th Street eta, ekialdean, East River itsasartea. "Turtle Bay" terminoa batzuetan Nazio Batuen egoitza edo Nazio Batuak bere osotasunean izendatzeko ere erabiltzen da.

Nazio Batuen Egoitza
Headquarters of the United Nations
Irudi gehiago
Kokapena
Estatu burujabe	Ameriketako Estatu Batuak
Estatua	New York
Ameriketako Estatu Batuetako hiri	New York
Borough	Manhattan
Ur-masa	East River
Koordenatuak	40°44′58″N 73°58′05″W
Altitudea	12 m, itsas mailaren gainetik
Historia eta erabilera
Eraikuntzaren hasiera	1948ko irailaren 14a
Jabea	Nazio Batuen Erakundea
Arkitektura
Arkitektoa	Oscar Niemeyer Le Corbusier Harrison & Abramovitz (en) Julio Vilamajó Echaniz Howard Robertson (en) Skidmore, Owings and Merrill Liang Sicheng (en) Ernest Cormier (en) Sven Markelius (en) Best Overend (en) Wallace Harrison (en) Gaston Brunfaut (en)
Diseinatzailea	Arnstein Arneberg
Estiloa	Nazioarteko estiloa
Solairuak	39
Azalera	18 acre
20

Honez gain, Nazio Batuen Erakundeak baditu beste hiru azpi-egoitza. Genevan (Suitza) 1946an, Vienan (Austria) 1980an, eta Nairobin (Kenia) 2011n. Egoitza hauek NBEen interesak ordezkatzen lagundu eta lan diplomatikoa errazteaz gain, badituzte lurraldez kanpotasun pribilegioak ere. Hala ere, New Yorkeko egoitzan aurkitzen dira NBEren organo nagusiak, besteak beste, Batzar Nagusia eta Segurtasun Kontseilua. Nazio Batuen Erakundeak dituen hamabost agentziak New Yorketik kanpo daude, beste egoitzetan edo beste hiri batzuetan. Alta, tokiko poliziaren, suhiltzaileen eta beste hainbat zerbitzuren ordainean, Nazio Batuen Erakundeak onartzen ditu tokiko, estatuko eta nazio mailako lege gehienak.

Nazio Batuen Erakundearen egoitza multzoa hainbat alditan eraiki zen eta arkitektura-konplexu guztia 1948a eta 1952a bitarte eraiki zen. Egoitzak East River itsasartearen ondoan dagoen lursail bat okupatzen du, 7 hektarea ingurukoa, eta William Zeckendorf-i erosi zitzaion, garai hartan New Yorkeko eraikitzaile nagusietako bat. Nelson Rockefeller-ek erosi zuen, familiaren Kykuit jabegoan kokatzeari ezezkoa esan ondoren, Manhattandik urrutiegi baitzegoen. 8 milioi dolarrengatik erosi zen lursaila eta Nelsonen aitak, John D. Rockefeller Jr.-ek finantzatu zuen, ondoren hiriari dohaintzan emateko. Wallace Harrison-ek, Rockefeller familiaren arkitekto pertsonalak, egoitza eraikitzeko lanak zuzendu zituen. Bere bulegoak, Harrison and Abramovitz, diseinuaren exekuzioa gainbegiratu zuen.