Nagore Elu

Nagore Elu
	;
Bizitza
Jaiotza	Ondarroa, 1992ko abuztuaren 15a (31 urte)
Herrialdea	Bizkaia, Euskal Herria
Hezkuntza
Heziketa	Euskal Herriko Unibertsitatea
Hizkuntzak	euskara; gaztelania
Jarduerak
Jarduerak	biologoa, kirolaria, biokimikaria, zientzia-dibulgatzailea eta futbolaria
Ibilbidea
Jasotako sariak	ikusi Ikergazte saria (2019) ;

Nagore Elu Arantzamendi (Ondarroa, Bizkaia, 1992) bizkaitar biokimikari eta eta zientzia dibulgatzailea da.

Biografia

Biokimika eta biologia molekularra ikasi zituen Euskal Herriko Unibertsitatean. Biomedikuntza eta biologia molekularra masterra egin zuen EHUn. Eta biomedikuntza doktoretza egin zuen Ugo Mayor ikertzailearen laborategian, Angelman sindromearen mekanismo molekularrak aztertuz, CIC Biogunean.

Zientziaren Giltzak elkarteko kidea da, eta zientzia dibulgatzeko ekitaldiak antolatzen dituzte Ondarroan eta interneten. Gaur egun, Edinburgoko Unibertsitatean dabil, postdoktore lanetan.[1].

Kirol ibilbidea

Kirolaria da. Besteak beste, kirol hauek praktikatu izan ditu: judo, arrauna, atletismoa, eskalada, txirrindularitza, igeriketa, triatloia, mendi-bizikleta eta orientazioa. .

2003an hasi zen Mutrikuko Futbol taldean, 10 urte zituela. 2009an, 16 urterekin, Eibar KE taldearekin debutatu zuen, eta bost denboraldi egin zituen bertan. Tartean, superligan lehiatzeko aukera ere izan zuen. Handik Mutrikura egin zuen buelta. Hiru urte egin zituen hango taldean, eta horren ostean, futbola utzi zuen. Gerora, Ondarroako Koaxi triatloi taldean sartu zen, eta 2017an mendiko bizikletan lehiatzen hasi zen, Bizkaiko Kopa Trailean. Lehenengo postua eskuratu zuen BKT eta Green Series Bizkaiko txapelketetan eta Eusko Bike Challenge lasterketan —Green Series txapelketan parte hartzen zuen bitartean Bilboko Miribillako Mountine bike taldean ere ibili zen—.

Basque Expedition Race railan parte hartu zuen, hiru egunetan gelditu barik oinez, bizikletan, kayakean eta rappelean egiten den froga, baita Antiguako ermitako igoeran, Azkoitia-azpeitia maratoi erdian eta Lekeitioko Otoioko kronoeskaladan ere. [2][3]

Sariak

2019: IkerGazte saria, osasun arloan[4]

Argitalpenak

'Proteinak birziklatzea, osasuntsu egoteko giltza', in Elhuyar 337 zenbakia, 2020, 72-76 orr. (Nerea Osinalde Moralejarekin batera)
'UBE3Aren substraktuak identifikatzen Angelman sindromearen ingurukoak argitzeko', in Ekia: Euskal Herriko Unibertsitateko zientzi eta teknologi aldizkaria, 36. zenbakia, 2019, 151-162 orr. (Askoren artean)
'Angelman sindromearen tratamendurako itu terapeutikoen bila: USP9X deubikuitinasa jomugan', in Osagaiz: osasun-zientzien aldizkaria, 3. Bol. 1 zenbakia (ekaina), 2019, 71-78. orrialdeak (askoren artean)
'USP9X: Angelman sindromearen tratamendurako itu berria ote?' in III. Ikergazte. Nazioarteko ikerketa euskaraz. Kongresuko artikulu bilduma. Osasun Zientziak, UEU, 2019 (Askoren artean)

Erreferentziak

Galarraga, Ana. Nagore Elu: 'Zientziaren berri duen gizartea askeagoa eta manipulagaitzagoa da'. (Noiz kontsultatua: 2020ko martxoak 8).
Nagore Elu Arantzamendi. (Noiz kontsultatua: 2020ko martxoak 8).
«Egunerokotasunetik irteteko modu bat» 11barri (Noiz kontsultatua: 2024-02-06).
«Nagore Elu ikerlari ondarrutarra saritu dute Baionako IkerGazte Kongresuan» Lea-Artibai eta Mutrikuko Hitza (Noiz kontsultatua: 2020ko martxoak 8).

Kanpo estekak

Datuak: Q87345334

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Galarraga, Ana. Nagore Elu: 'Zientziaren berri duen gizartea askeagoa eta manipulagaitzagoa da'. (Noiz kontsultatua: 2020ko martxoak 8).

[2] Nagore Elu Arantzamendi. (Noiz kontsultatua: 2020ko martxoak 8).

[3] «Egunerokotasunetik irteteko modu bat» 11barri (Noiz kontsultatua: 2024-02-06).

[4] «Nagore Elu ikerlari ondarrutarra saritu dute Baionako IkerGazte Kongresuan» Lea-Artibai eta Mutrikuko Hitza (Noiz kontsultatua: 2020ko martxoak 8).