Nafarroako Kutxa

Nafarroako Kutxa —gaztelaniazko CAN siglaz ezaguna— Euskal Herriko aurrezki kutxa bat zen, Caixabankek erosi zuen 2012an.

Nafarroako Kutxaren egoitza nagusia Nafarroako Iruñea hiriburuko Karlos III.a etorbidean.

Egoitza

Iraganean, egoitza nagusia gaur egungo Nafarroako Rural Kutxaren eraikinean izan zuen.

Nafarroako Kutxaren azzken egoitza nagusia Iruñeko Karlos III.a etorbidea eta Orreaga etorbidearen arteko izkinan egon zen, Entzierroaren monumentuaren alboan eta German Rodriguezen oroitarritik oso hurbil.

Historia

2000. urtean Nafarroako Aurrezki Kutxa eta Iruñeko Udal Aurrezki Kutxa bateratuz sortua. 2006an, Espainiako 11 probintziatan zituen bulegoak, eta urte berean Gipuzkoa, Araba eta Bizkaian hedatzeko planari ekin zion, une hartaraino ez baitzuen bulegorik izan Euskal Autonomia Erkidegoan.

Kontuz! kontsumitzaile elkarteak salatu du Nafarroako Kutxa, egiaz, dagoeneko ez dela existitzen, hainbat erakunde eta pertsonak (Endesa, Miguel Sanz, Enrique Goñi eta abar) Nafarroako Kutxaren dirua beren probetxurako erabiliz aurrezki kutxa hori porrot egitera eraman dutelako.[1]

Caja Canariasekin batzea

2009ko urriaren 7an Caja Canariasekin batera egindako prentsaurrekoan, Nafarroako Kutxako arduradunek bi aurrezki kutxen bat-egitea aurkeztu zuten.

2012-06-30an CAN, Nafarroako finantza erakunde sendoena, errotuena, 157 milioi euroren truke erosi zuen Caixabankek. Apenas bi urtean, Nafarroako Kutxak bere balioaren %88 galdu zuen kudeaketa txarraren ondorioz.

Erreferentziak
  1. (Gaztelaniaz) Ateak Ireki (2013): #CAN: el gran golpe dokumentala, Kontuz! elkartearen salaketako datuak erabiliz egina. Iraupena: 1 h 01' 11''. Copyleft lizentziarekin argitaratua.

Kanpo estekak

Bibliografia
  • * Alberto Gil Pérez-Nievas; Aritz Intxusta Pagola; Patxi Zamora Aznar: El banquete. Expolio y desaparición de la CAN. Tafalla: Txalaparta, 2014. ISBN: 978-84-1531-373-1.

Ikus, baita ere
42°48′52.84″N 1°38′28.25″W
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.