Muskilda

Muskilda Nafarroa Garaiko ipar-ekialdeko mendi bat da (1.070 m), Otsagabiko iparraldean kokatua. Bertan dago izen bereko baseliza ere. Otsagabiaren eta Itzaltzuren arteko errepidean, 4. kilometroan dugu Muskildara igotzeko bidegurutzea.

Muskilda
Datu orokorrak
Garaiera1.071 m
Motamendi
Geografia
Map
Koordenatuak42°55′11″N 1°04′49″W
MendikateaAbodiko mendilerroa
Herrialdea Euskal Herria
Foru erkidego Nafarroa Garaia
Muskildako baseliza ilunabarrean

Herritik abiatzen da ondo markatutako bide zaharra elizaren goialdetik, via crucis modukoa dena. Muskildatik bestela ateratzen dira bideak Abodiko mendilerrora joateko.

Azkenik, emakume nafar batzuk izen honekin bataiatuta daude, batik bat eskualdekoak.

Baseliza
Sakontzeko, irakurri: «Muskildako Andre Mariaren baseliza»

Gailurrean, Muskildako Andre Mariaren baseliza dago, XIII. mendean hasitakoa erromaniko berantiarraren estiloan. Oinplano laukizuzenekoa da eta dorreko teilatua kono itxurakoa. Eraikin multzoa baselizak, kaperau etxeak eta eremutar etxeak osatzen dute, harresi batek inguratuak.

Baselizaren barruan, Muskildako Andre Mariaren zurezko irudia dago erretaulan, beharbada XIV.-XV. mendekoa dena. Jesus umea eserita dauka haren ezkerraldean.

Presbiterioa erdiko nabetik XV. mendeko burdinazko hesi batek banatuta dago. Nabearen alde bietan hormako margoak daude, azken urteotan erabat berriztatuak.

Folklorea

Honen ohorez, urtero irailaren 8an festa ospatzen dute, 8 dantzarik eta "Bobo" izeneko pertsonaiek 4 makil-dantza ("Emperador", "Katxutxa", "Danza" eta "Modorro"), "el Pañuelo" zapi-dantza eta "la Jota" egiten dutelarik. Halaber, "Pasacalles" egiten dute agintarien ibilaldietan eta Andre Mariaren prozesioan. Dantza hauek tradizio handikoak dira XVII. mendetik.

Irudi galeria
  • Baselizaren kanpoaldea
    Baselizaren kanpoaldea
  • Ate nagusi erromanikoa
    Ate nagusi erromanikoa
  • Ondoko eraikinaren atea (1671)
    Ondoko eraikinaren atea (1671)
  • Barnealdea
    Barnealdea
  • Hormako margoak
    Hormako margoak
  • Erretaula
    Erretaula
  • Andre mariaren eta Jesus umearen irudia
    Andre mariaren eta Jesus umearen irudia

Ikus, gainera

Bibliografia
  • "De etnografía de Navarra". 85. liburukia "Askatasun Haizea" bildumatik. José Miguel de Barandiarán. Txertoa, 1987. isbn= 978-84-7148-197-9.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.