Moyua plaza

Abandoeta Indautxu auzoen artean dago.

Plaza honetan kale hauek bat egiten dute: On Diego Lopez Haroko kale nagusiak, Errekalde zumarkaleak, Elkano kaleak eta Ertzilla kaleak.

• 
  Moyua plazaren ikuspegi panoramikoa.

Plazak izena 1910-1913 bitartean Bilboko alkate izan zen Federico Moyua Salazarri zor dio. Nahiz eta izen hori ofiziala aspaldikoa izan, Bilbotar askorentzat, plaza horri Plaza Eliptikoa deitzen diote, elipse baten itxura duelako eta, aldi berean, zirkulu baten itxura duen Plaza Biribiletik bereizteko.

1940ko hamarkadan José Luís Salinas arkitektoaren proiektuari jarraituz eraiki zen. Hirurogei urte geroago, haren seme Manuel Salinasek hiriko erdigunearen eraberritze prozesu bati ekin zion. 1997an plaza berrinauguratua izan zen, bere jatorrizko elipsi itxura eta ingeles eta frantziar parterreak mantendu zituelarik. Elementu gehiago gehitu zitzaizkion, tartean altzairuzko farola berriak eta eserleku funtzionalak. Gainera, antzinako jatorrizko iturria ere berreskuratu zen.

Moyua plazaren inguruan hainbat eraikin nabarmen daude:

• Carlton hotela
• Txabarri jauregia
• Espainiako Zerga Agentzia Administrazioaren eraikina
• Moyuako geltokia: Bilboko Metroaren geltokia
• Montero etxea, Errekalde zumarkalean
• Ramon de la Sotaren etxeak, On Diego Lopez Haroko kale nagusian Jesusen Bihotzaren plazarako norantzan
• La Aurora eraikina

• 
  Carlton hotela
• 
  Espainiako Zerga Agentzia Administrazioaren eraikina
• 
  Txabarri jauregia
• 
  Fostertxoa, Guggenheim Bilbao Museoaren norantzan
• 
  Fostertxoa, Carlton Hotelaren norantzan
• 
  Txabarri jauregiko erdialdeko iturria eta atzealdean Iberdrola Dorrea
• 
  Montero etxea
• 
  Ramon de la Sotaren etxeak

Plaza honetan Bilboko metroaren geltoki bat dago, hain zuzen ere Moyuako geltokia.