Morton Gould

Morton Gould (Richmond Hill, New York, 1913ko abenduaren 10 – Orlando, 1996ko otsailaren 21a) estatubatuar orkestra zuzendari eta musikagilea izan zen.

Morton Gould
Bizitza
Jaiotza	Richmond Hill (en) , 1913ko abenduaren 10a
Herrialdea	Ameriketako Estatu Batuak
Heriotza	Orlando, 1996ko otsailaren 21a (82 urte)
Hezkuntza
Heziketa	Juilliard School (en)
Hizkuntzak	ingelesa
Jarduerak
Jarduerak	orkestra zuzendaria, piano-jotzailea, musikagilea eta soinu banda konpositorea
Lan nabarmenak	ikusi Cowboy Rhapsody
Jasotako sariak	ikusi Karrera artistikoari Grammy saria  (2005) Pulitzer Saria Musikan  (1995) : String Music 1994 Kennedy Center Honors Izarra Hollywoodeko Ospearen pasealekuan
Kidetza	Ameriketako Estatu Batuetako Arte eta Letren Akademia American Society of Composers, Authors and Publishers (en)
Genero artistikoa	sinfonia
Musika instrumentua	pianoa
Diskoetxea	Columbia Records

Musika kultuaren eta jazzaren arteko sintesia egiten saiatu zen. Bere obretan herri musikako abestiak, espiritualak eta jazza tartekatu zituen. Irratian piano-jotzaile gisa aritu zen, eta klasikoei buruzko irratsaio bat gidatu zuen. Bere lehenengo obrak Spirituals (1941), orkestra eta balleterako, eta Fall River Legend (1948) balleta egitura formalez eta harmonia bakunez eginak dira. Aurreragoko lanak abstraktuagoak dira, konplexuagoak. Venice obrak (196), orkestra eta bandarako, XVII. mendeko veneziar musika imitatzen du kontrapuntuzko teknikan eta orkestraren banaketan. Broadwayko ikuskizunetarako, Hollywoodeko filmetarako eta telebista saioetarako musika egin zuen. Halaber, Chorale and Fugue in Jazz Cowboy Rhapsod eta Foster Gallery idatzi zituen, Stephen Fosterren musika oinarritzat harturik. Porgy and Bess operatik suite bat aterata, musika tresnetarako moldatu zuen. Zenbait kontzertu idatzi ditu, eta Sinfonietta Latinoamericana bat ere bai.