Monterosso al Mare

Monterosso al Mare Italiako udalerri bat da. La Speziako probintzian kokatuta dago, Liguria eskualdean. 1.350 biztanle ditu, 10,94 kilometro koadroko azaleran banatuta. Cinque Terre eskualdeko bost herrietako bat da.

Monterosso al Mare
Italiako udalerria
Administrazioa
Estatu burujabe Italia
Eskualdea Liguria
ProbintziaLa Speziako probintzia
Posta kodea19016
ISTAT kodea011019
HerriburuaMonterosso al Mare
Geografia
Koordenatuak44°08′47″N 9°39′20″E
Map
Azalera10.94 km²
Altuera12 m
MugakideakPignone, Vernazza eta Levanto
Demografia
Biztanleria1.350 (2023ko urtarrilaren 1a)
−72 (2018)
Dentsitatea123,4 bizt/km²
Informazio gehigarria
Telefono aurrizkia0187
Ordu eremuaUTC+01:00 eta UTC+02:00
Hiri senidetuakSaint-Genès-Champanelle eta Kallmünz
Katastro kodeaF609
Sailkapen sismikoa3 (Txikia)
MatrikulaSP
comune.monterosso.sp.it

Geografia

Cinque Terreko herrien artean iparralderen dagoena da. Badi natural txiki baten barrenean kokaturik dago, Punta Mesco lurmuturrak babestuta. Kaputxinoen muinoak bitan banatzen du herria, alde zaharra hegoaldean eta alde berria iparraldean. Alde berrian dago Cinque Terreko hondartza bakarra, Fegina hondartza.

Monterosso al Marek honako udalerri hauekin egiten du muga: Pignone
Vernazza
Levanto

Ekonomia

Gaur egun turismoa da jarduera ekonomiko nagusia. Nekazaritzak ere badu pisua, limoiondoak, mahatsondoak eta olibondoak landatzen dira bereziki.

Ondasun nabarmenak
  • Genovarren gazteluaren aztarnak.
  • San Joan Bataiatzailearen eliza: 1282 eta 1307 artean eraiki zen. Basilika itxura dauka eta kanpandorreak almenak ditu.
  • Monterosso al Mareko komentua.
  • Monterossoko erraldoia: Fegina hondartzaren muturrean Neptunoren 14 metrotako eskultura erraldoia dago. Luxuzko Villa Pastine-ren dekorazioa zen. Bigarren Mundu Gerrako bonbaketek eta 1966ko itsasaldi zakarren kaltetu egin zuten. Arrigo Minerbi eskultoreak eta Francesco Levacher arkitektoak eraiki zuten.
  • Monterosso eta Vernazza arteko ibilbidea

Iruditegia
  • Fegina hondartza.
    Fegina hondartza.
  • Monterossoko erraldoia.
    Monterossoko erraldoia.
  • San Joan Bataiatzailearen eliza.
    San Joan Bataiatzailearen eliza.
  • Oratorioa.
    Oratorioa.
  • Mahatsondoak terrazetan.
    Mahatsondoak terrazetan.


Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.