Mo Farah

Atletismoa
Kirol diziplinak	maratoia; maratoi erdia; 10,000 metres (en) ; 5.000 metroko lasterketa
Errekorrak
Marka pertsonalak

Mo Farah
	; Irudi gehiago
Bizitza
Jaiotzako izen-deiturak	Xuseen Cabdi Kaahin
Jaiotza	Gabiley (en) , 1983ko martxoaren 23a (41 urte)
Herrialdea	Erresuma Batua (2000ko uztailaren 25a -
Bizilekua	Portland
Hezkuntza
Heziketa	Springwest Academy (en) ; Isleworth and Syon School for Boys (en)
Hizkuntzak	ingelesa; somaliera
Jarduerak
Jarduerak	maratoilaria, iraupen-lasterkaria, atleta, haur literatura idazlea, distantzia erdiko korrikalaria eta autobiografialaria
Atletismoa
Kirol diziplinak	maratoia; maratoi erdia; 10,000 metres (en) ; 5.000 metroko lasterketa
Errekorrak
Marka pertsonalak
	Parte-hartzailea 2012ko Udako Olinpiar Jokoak ; 2008ko Udako Olinpiar Jokoak ; atletismoa 2016ko Olinpiar Jokoetan ; 2006 Commonwealth Games (en) ;
Pisua	58 kilogramo
Altuera	175 zentimetro
Jasotako sariak	ikusi Britainiar Inperioko Ordenaren komendadorea (2013) ; Knight Bachelor (2017ko urtarrilaren 1a) ; BBC Sports Personality of the Year Award (2017) ;
Sinesmenak eta ideologia
Erlijioa	islama
	mofarah.com

Sir Mohamed Muktar Jama "Mo" Farah (somalieraz: Maxamed Faarax; arabieraz: محمد فرح‎; Muqdisho, 1983ko martxoaren 23a) distantzia luzeko britainiar atleta da, somaliar jatorrikoa.

2012 eta 2016ko Olinpiar Jokoetan urrezko domina lortu zuen 5000 metro eta 10.000 metroko lasterketetan, Lasse Virén eta gero, historian emaitza hori lortu duen bigarren korrikalaria izanik.

Biografia

Farah Eugenen bizi da, Oregon estatuan, eta Alberto Salazarren gidaritzapean lan egiten du.

1993an bere herrialdea utzi zuen errefuxiatu moduan eta bere aita bizi zen lekura abiatu zen, Londresera. Feltham Community izeneko eskolako fisikako irakasleak, Alan Watkinson[1], bere dohainez konturatu zen. Farahk futbolean eta xabalina jaurtiketan talentua zeukan baina laster konturatu zen aparteko korrikalaria zela. 5 urte jarraian izan zen gazte mailan Ingalaterrako cross txapeldun eta 2001ean Europako azpitxapeldun izan zen diziplina honetan.

2006an ospetsu bihurtu zen 5000 metroko proban 13:09,40ko marka egin baitzuen eta Erresuma Batuetako historian egindako bigarren denborarik onena baitzen, David Mocroften atzetik. Handik hilabetera Göteborgon, distantzia berdinean, zilarrezko domina lortu zuen Europako atletismo txapelketan. Denboraldi bukaeran Europako cross txapelketa irabazi zuen. 2007an Osakako munduko txapelketan seigarren gelditu zen 5000 metroko distantzian. 2008an, Valentzian, pista estalian egindako munduko atletismo txapelketan seigarren postua lortu zuen 3000 metroko distantzian eta urte berean, Pekingo Joko Olinpikoetan finalera heltzea ez zuen lortu.

2008ko neguan forma onean zegoenez Europako Cross txapelketan zilarrezko domina lortu zuen.
2009ko otsailean pista estalian britaniako 3000 metroko marka gainditu zuen, ordura arte Steve Cramen eskuetan zegoena, eta martxoan, distantzia berean, pista estalian, Europako txapeldun egin zen.
2009an Berlinen ospatutako Munduko Atletismo Txapelketan 5000 metroko distantzian zazpigarren amaitu zuen. Bi hilabete beranduago Great South Run-ean 10 milla egin zituen 46:25 denboran, historiako hirugarren britaniar azkarrena distantzia honetan.
2010ean Bartzelonan ospatutako Europako Atletismo Txapelketa irabazi zuen, 5.000 eta 10.000 metroko distantzietan.
2011ko Munduko Atletismo Txapelketan 5.000 metroko distantzian urrezko domina lortu zuen eta zilarrezkoa 10.000 metroan.
2011ko urriaren 15ean Aronan (Tenerife) ospatutako Europako Atletismo Galan[2], Europako atletarik onena hautatu zuten.
2012ko Londreseko Joko Olinpikoetan 10.000 eta 5.000 metroko distantzietan urrezko domina lortu zuen.
2013ko uztailaren 19an 1.500 metroko distantzian Europako errekorra gainditu zuen, ordura arte Fermin Cachok[3] honen jabetza izan zuen 16 urtetan.
2015ean Pekingo Munduko Atletismo Txapelketan 5000 metroko txapelduna bihurtu zen.
2016an, Rioko Olinpiar jokoetan, 5.000 eta 10.000 metroan lortu zituen urrezko dominak.
2017ko Londreseko Munduko Atletismo Txapelketan munduko txapeldun egin zen 10.000 metroko distantzian.

Erreferentziak

(Ingelesez) Judd, Nick. «Alan Watkinson interview, Mo Farah's PE teacher» Careers in Sport (Noiz kontsultatua: 2021-02-22).
«European Athletics honors heroes of 2011 in Arona - Official Website of the Chinese Olympic Committee» en.olympic.cn (Noiz kontsultatua: 2021-02-22).
(Gaztelaniaz) Alonso, Álvaro. (2013-07-19). «El Récord de Europa de Fermín Cacho pasa a manos de Mo Farah» Foroatletismo.com (Noiz kontsultatua: 2021-02-22).

Ikus, gainera

Atleta ezagunen zerrenda

Kanpo estekak

(Ingelesez) IAAFen webgunea

Datuak: Q1671
Multimedia: Mo Farah / Q1671

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] (Ingelesez) Judd, Nick. «Alan Watkinson interview, Mo Farah's PE teacher» Careers in Sport (Noiz kontsultatua: 2021-02-22).

[2] «European Athletics honors heroes of 2011 in Arona - Official Website of the Chinese Olympic Committee» en.olympic.cn (Noiz kontsultatua: 2021-02-22).

[3] (Gaztelaniaz) Alonso, Álvaro. (2013-07-19). «El Récord de Europa de Fermín Cacho pasa a manos de Mo Farah» Foroatletismo.com (Noiz kontsultatua: 2021-02-22).