Misio diplomatiko

Misio diplomatiko bat beste estatu batean dagoen estatu bateko pertsona-talde batek osatzen du, herrialde anfitrioian euren herrialde propioa ordezkatuz. Praktikan, terminoa misio iraunkorra izendatzeko erabiltzen da[1], hau da, herrialde bateko ordezkari diplomatikoek beste herrialde bateko hiriburuan duten bulegoa izendatzeko. Nazioarteko Zuzenbidean babestuta, misio diplomatikoek lurraldez kanpoko estatusa dute; nazio anfitrioiaren lurraldean fisikoki dauden arren, tokiko legeetatik bereizita daude eta, ia egoera guztietan, dagokien herrialdeko lurraldearen zati gisa tratatzen dira. Praktikan, misio diplomatikoak enbaxadaren sinonimotzat hartzen dira, herrialde batek beste herrialde batean dituen diplomaziaren ordezkarien bulego nagusia dena; normalean, baina ez nahitaez, estatu hartzailearen hiriburua den hirian oinarritzen da[2]. Kontsulatuak, bestalde, misio diplomatiko txikiagoak dira, normalean estatu hartzaileko hiri nagusietan kokatuta daudenak (baina hiriburuan egon daitezke, oro har, bidaltzen duen herrialdeak estatu hartzailean enbaxadarik ez duenean). Kokatuta dagoen herrialdean misio diplomatikoa izateaz gain, enbaxada bat herrialde batean edo gehiagotan bizi ez den misio iraunkor bat ere izan daiteke[3][4][5][6].

Libanoren enbaxada Hagan

Maiz, enbaxada hitzarekin misio diplomatikoaz gain bera egoten den bulegoa zein enbaxadorearen etxea izendatzen da. Bulegoari kantzilertza izena ematen zaio, baina bereizi behar direnean "enbaxadorearen etxea" eta "enbaxadadaren bulegoa" kontzeptuak erabili ohi dira.

Erreferentziak
  1. (Gaztelaniaz) RAE. «Definición de misión diplomática - Diccionario panhispánico del español jurídico - RAE» Diccionario panhispánico del español jurídico - Real Academia Española (Noiz kontsultatua: 2022-11-21).
  2. (Ingelesez) Nelson, Spence. (2022-10-11). «What is a U.S. Embassy?» The National Museum of American Diplomacy (Noiz kontsultatua: 2022-11-21).
  3. Nierop, Tom. (1994). Systems and regions in global politics : an empirical study of diplomacy, international organization, and trade, 1950-1991. J. Wiley ISBN 0-471-94942-6. PMC 29564631. (Noiz kontsultatua: 2022-11-21).
  4. (Ingelesez) International Affairs. Znanye Publishing House 2006 (Noiz kontsultatua: 2022-11-21).
  5. Geldenhuys, Deon. (1990). Isolated states : a comparative analysis. Cambridge University Press ISBN 0-521-40268-9. PMC 22910926. (Noiz kontsultatua: 2022-11-21).
  6. (Ingelesez) The Origins of Saudi-American Relations: from recognition to diplomatic representation (1931-1943). Eman Al Nafjan 2009 ISBN 978-603-00-3853-4. (Noiz kontsultatua: 2022-11-21).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.