Misery (eleberria)

Paul Sheldon viktoriar aroan girotutako amodiozko eleberriak idazten dituen idazle ospetsua da, eleberri horietako pertsonaia nagusia Misery Chastain izeneko emakumea da.

Neguko arrats batez, New York hiritik Los Angeles hirirantz autoz doala elurtutako mendi errepide batean istripua eduki eta autoan kornorterik gabe eta zauriturik geldituko da. Baina norbait agertu eta ataka larri horretatik erreskatatuko du.

Annie Wilkes erizaina eta bere eleberrien zaletu porrokatua denaren etxeko ohatzean esnatuko da, mendian isolaturik dagoen etxe batean. Hasieran dena ongi joango da, halere, lasterrera idazlea emakume bitxi horren zaintza eta laguntzek helburu bakar bat dutela jabetuko da: Misery saileko bere azken eleberrian hilarazi zuen fikziozko pertsonaia nagusia berpiztu eta hari buruzko eleberri gehiago idazten jarrai dezala, eta idazleak, erabat izuturik, emakume ero eta obsesionatu hark bere helburua lortzeko bere eskura dagoen edozer gauza egiteko prest dagoela ohartuko da.

• Misery: 1993an Rob Reinerek zuzendu eta James Caan, Kathy Bates, Lauren Bacall, Richard Farnsworth eta Frances Sternhagen aktoreek antzeztu zuten.