Milton Babbitt

Milton Babbitt
Bizitza
Jaiotza	Filadelfia, 1916ko maiatzaren 10a
Herrialdea	Ameriketako Estatu Batuak
Bizilekua	Jackson
Heriotza	Princeton, 2011ko urtarrilaren 29a (94 urte)
Hobiratze lekua	Princeton
Hezkuntza
Heziketa	New Yorkeko Unibertsitatea Artean graduatu : musika; Pennsylvaniako Unibertsitatea ; Princetongo Unibertsitatea
Hizkuntzak	ingelesa
Irakaslea(k)	Marion Bauer (en) ; Philip James (en)
Jarduerak
Jarduerak	matematikaria, musikagilea, musikologoa, musika-irakaslea, musikaren teorikoa eta unibertsitateko irakaslea
Enplegatzailea(k)	Princetongo Unibertsitatea ; Juilliard School (en)
Jasotako sariak	ikusi John Simon Guggenheim Memorial Foundation beka (1960) ; MacArthur Fellows Program ; Fellow of the American Academy of Arts and Sciences ; James Madison Medal ; Arts and Letters Award in Music (1959) ; Pulitzer Prize Special Citations and Awards (1982) ; Joseph H. Bearns Prize ;
Kidetza	Ameriketako Estatu Batuetako Arte eta Letren Akademia; Arteen eta Zientzien Ameriketako Estatu Batuetako Akademia; International Society for Contemporary Music (en) ; Phi Beta Kappa Elkartea
Mugimendua	XX. mendeko musika klasikoa
Genero artistikoa	musika klasikoa
Diskoetxea	Nonesuch

Milton Byron Babbitt (Filadelfia, AEB, 1916ko maiatzaren 10a - Princeton, New Jersey, 2011ko urtarrilaren 29a) Estatu Batuetako musikagilea izan zen.

Biografia

Roger Sessions musikagile estatubatuarraren ikaslea izan zen, eta Princetongo Unibertsitateko irakasle izendatu zuten 1938an. 1943-1945 bitartean eta unibertsitate hartako Matematika Fakultateko kide zela egin zituen ikerlanen ondorioz, Egitura finkoaren eginkizuna sistema dodekafonikoan artikulua argitaratu zuen 1946an, Schöenberg musikagilearen konposatzeko metodoari buruzko lehen ikerketa zentzuzko eta sistematikoa.

1959an, New Yorkeko Columbia Unibertsitatean Columbia-Princeton Musika Elektronikoaren Zentroa sortu zuenetako bat izan zen, eta 1950eko eta 1960ko hamarkadetan musika jasoan elektronika erabiltzen zutenen musikagile nagusietako bat.

Hasieran Varèse eta Stravinskiren musikak erakarri bazuten ere, konposatzaile gisa Webernen eta Schöenberg beraren sistema konbinatorioak hedatu eta sintetizadorea musika jotzeko eta konposatzeko tresna bihurtu zuen; musikagileak konposizio-oinarriei buruzko erantzukizun eta kontrol guztiak bere gain hartu behar dituela ere tinko defendatu zuen beti.

Babbitten lanik ezagunenak dira: Ensembles for Synthesizer (1962-1964), sintetizadorez bakarrik jotzeko; Philomel (1964) sopranoek kantatu eta sintetizadorez jotzeko; Small Concert for Violin Orchestra and Synthesized Tape (1976) eta Ars combinatoria (1981).

1982an Pulitzer Fundazioaren aipamen berezia jaso zuen musikari eskainitako urteetako lanarengatik.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q318518

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.