Mikhail Botvinnik

Mikhail Moisejevitx Botvinnik (errusieraz: Михаи́л Моисе́евич Ботви́нник; Kuokkala, 1911ko abuztuaren 17a – Mosku, 1995eko maiatzaren 5a) sobietar xake jokalaria, Nazioarteko Maisu Handia eta Munduko Xake Txapelduna izan zen. Historiako xakelari onenetarikoa izan zen.

Mikhail Botvinnik
(1962) Irudi gehiago
Bizitza
Jaiotza	Repino (en) , 1911ko abuztuaren 17a
Herrialdea	Sobietar Errepublika Sozialisten Batasuna  Errusia
Heriotza	Mosku, 1995eko maiatzaren 5a (83 urte)
Hobiratze lekua	Novodevitxi hilerria
Heriotza modua	berezko heriotza: pankreako minbizia
Familia
Ezkontidea(k)	Gayane Davidovna Ananova (en)
Hezkuntza
Heziketa	Peter the Great Saint Petersburg State Polytechnical University (en)
Hezkuntza-maila	Doctor in Engineering (en)
Hizkuntzak	errusiera
Irakaslea(k)	Alexander Ilyin-Genevsky (en)
Jarduerak
Jarduerak	xakelaria, chess coach (en) , ingeniaria, idazlea, ingeniari elektrikoa eta chess composer (en)
Parte-hartzailea 11th Chess Olympiad (en) 12th Chess Olympiad (en) 13th Chess Olympiad (en) 14th Chess Olympiad (en) 15th Chess Olympiad (en) 16th Chess Olympiad (en)
Jasotako sariak	ikusi world chess champion Leninen Ordena Urriko Iraultzaren Ordena Ohorezko Intsigniaren ordena Lanaren Bandera Gorriaren Ordena Merited Cultural Worker of the RSFSR Merited Engineering Scientist of the RSFSR SESBeko Kirolaren Maisu ohorrezko Medal "For Distinguished Labour"
Sinesmenak eta ideologia
Erlijioa	ateismoa
Alderdi politikoa	Sobietar Batasuneko Alderdi Komunista

Bost aldiz irabazi zuen Munduko Xake Txapelketa 1948 eta 1963 artean. Sei aldiz irabazi zuen SESBeko Xake Txapelketa, eta 1954tik 1964rako Xake Olinpiada guztiak irabazi zituen Sobietar Batasuneko xake taldearekin.

Joko estilo posizionala zuen. Botvinnikek berrikuntza handia ekarri zuen xake profesionalera, eta jokoa sakonki aztertzeaz gain, xakelari profesional batek zentzu guztietan izan beharreko prestakuntzan arreta handia ipini zuen: ariketa fisikoa; partida-hasiera jakin batzuk oso ondo aztertuta izatea; iraganeko jokalarien, norbere eta aurkarien partidak aztertzea; aurkari sendoenen puntu sendoenak eta ahulguneak aztertzea; norbere puntu sendoen eta ahulguneen analisi zorrotza egitea. Lanketa berri horrek goi mailan 30 urtez mantentzea ahalbidetu zion. Prestakuntza modu horrek eragin handia izan zuen belaunaldi berrietan. Xakelarien prestakuntzarako xake eskola bat sortu zuen eta bere ikasle izan ziren hainbat xakelari ospetsu, haien artean munduko txapeldun izatera helduko ziren Anatoli Karpov, Gari Kasparov eta Vladimir Kramnik.

Ingeniari elektrikoa zen lanbidez; informatikaria ere izan zen, ordenagailurako xake-jokoak programatzen aitzindaria.