Mighty Aphrodite

Mighty Aphrodite
Jatorria
Argitaratze-data	1995
Izenburua	Mighty Aphrodite
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	film komikoa eta Film erotikoa
Iraupena	95 minutu
Kolorea	koloretakoa
Grabazio lekua(k)	New York
Zuzendaritza eta gidoia
Zuzendaria(k)	Woody Allen
Gidoigilea(k)	Woody Allen
Antzezlea(k)
	Mira Sorvino ; Helena Bonham Carter ; Michael Rapaport ; F. Murray Abraham ; Woody Allen ; Peter Weller ; Olympia Dukakis ; Claire Bloom ; Jack Warden ; David Ogden Stiers ; Paul Giamatti ; Tony Darrow (en) ; Donald Symington (en) ; Rosemary Murphy ; Tony Sirico ; Lisa Vidal ; Paul Herman ; J. Smith-Cameron
Ekoizpena
Ekoizlea	Robert Greenhut
Konpainia ekoizlea	Miramax
Edizioa	Susan E. Morse (en)
Bestelako lanak
Musikagilea	Dick Hyman
Argazki-zuzendaria	Carlo Di Palma
Fikzioa
Kontakizunaren tokia	New York
Argumentu nagusia	prostituzioa
Historia
Jasotako sariak	National Board of Review: Top Ten Films (en) ; Taldeko emakumezko aktore onenaren Oscar Saria ; 68. Oscar Sariak
Nominazioak	Taldeko emakumezko aktore onenaren Oscar Saria ; 68. Oscar Sariak ; Mira Sorvino; Jatorrizko gidoi onenaren Oscar Saria ; 68. Oscar Sariak ; Woody Allen

Mighty Aphrodite (euskaraz: Afrodita Ahaltsua) amodiozko komedia filma da, Woody Allen estatubatuar zinemagile, gidoigile eta aktoreak 1995ean zuzendu, idatzi eta antzeztu zuena. Woody Allenekin batera, Mira Sorvino, Helena Bonham Carter, Michael Rapaport eta F. Murray Abraham izan ziren antzezle nagusiak.

Greziar mitologiako Pigmalionen kondairan eta 1913ko George Bernard Shaw irlandar antzerkigilearen Pygmalion antzezlan ezagunean nolabait oinarritua dago, alegia, heziketa oneko gizon batek kale giroko emakume hezigabe bat ezagutuko du eta hura hezten saiatuko.

Mira Sorvinok Emakumezko bigarren aktore onenaren Oscar saria irabazi zuen.

Argumentua

Lenny (Woody Allen) kirol kazetaria eta Amanda (Helena Bonham Carter) arte galerista seme-alabarik gabeko bikotea dira, horregatik, haur bat adoptatzea erabakitzen dute. Laister umearen adimen handiaz jabetuko dira, hortaz Lennyk jakinminez haren ama biologikoa topatzeko asmoa izango du. Aparteko andere buruargia topatuko zuelakoan, non emagaldu hezigabe, ergel eta txoriburu bat topatzen duen (Mira Sorvino). Istorio guzti honek sekulako gertakizun xelebre eta barregariak sortaraziko ditu, batez ere asmo onekoa baina txepel hutsa den Lenny lotsatia eta emagaldu lotsagabe eta ezjakinaren arteko izaera ezberditasunak direla eta. Emagaldua azken finean bere semetxoa adopzioan emateagatik guztiz atsekabetua dago, eta Lenny ezagutzeak bizimodu txarra laga eta bide zuzenari berrekiten lagunduko dio.

Filmaren tramarekin batera, zinemagileak greziar antzerkigintza klasikoko koru bat ere tartekatzen du, honek greziar eskola zaharraren legez istorioaren "tragedia" azaltzen du. Halere, koru honen solasa txantxez betea dago; adibidez, une batean koruak jainkoen jainko den Zeusi deitzen diote, baina hau ez dagoenez, erantzungailu automatikoan mezua lagako diote

Aktoreak

Woody Allen: Lenny Weinrib
Mira Sorvino: Leslie / Linda Ash
Helena Bonham Carter:Amanda Sloan Weinrib
Michael Rapaport: Kevin
F. Murray Abraham: Greziar koruko burua
Olympia Dukakis: Jokasta
David Ogden Stiers: Laio
Jack Warden: Tiresias
Danielle Ferland: Kasandra
Peter Weller: Jerry Bender
Claire Bloom: Sloan andrea

Kanpo estekak

Mighty Aphrodite filmaren iragarkia ikusgai. Youtube.com (Ingelesez)
Mighty Aphrodite filmaren IMDBko fitxa irakurgai (Ingelesez)

Datuak: Q1354109

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.