Michelle Monaghan

Monaghan Iowako Winthrop herrian jaio zen, Sharonen (bere etxean bertan zegoen haurrentzako gune batean administrari gisa jarduten zuen) eta Bob Monaghanen (lantegi batean lan egiten zuen, naiz eta batzuetan baserritar gisa jarduten zuen) alaba .[1][2] Helduagoak diren bi anaia ditu, Bob eta John[3] eta bere familiak etxean adoptatutako haurrak hartzen zituen. East Buchanan High Schoolen 1994. urtean graduatu zen, bertan kurtsoko lehendakaria izan zen eta hainbat antzezlanetan parte hartu zuen. Graduatu ostean, Columbia College Chicagoen kazetaritza ikasteko helburuarekin Chicagora joan zen bizitzera. Ikasten ari zela, modelo lanak egin zituen Ameriketako Estatu Batuetan, Europan (Milan) eta Asian (Singapur, Tokyo eta Hong Kong.) Azkeneko seihilekoa baino ez zitzaiola falta bukatzeko, collegea utzi egin zuen, New Yorkera bizitzera joan eta modelo zein antzezpeneko ikasketekin hasi zen.

Monaghanek bere lehenengo agerraldi garrantzitsuak telesailetako hainbat kapituluetan, zehazki Young Americanseko bi saioetan eta Law & Order: Special Victims Uniten, biak 2001ean. Bere lehendabiziko lana pantaila handian urte horretan bertan egingo zuen, Perfume pelikulan "Henrietta"ren paper txikiarekin. Honek jarraipena izango zuen hurrengo urtean, 2002an, Unfaithful pelikulan beste paper txikia antzezten.

Peter White artista grafikoarekin 2005. urtean ezkondu zen, festa batean ezagutu eta bost urtera. Gaur egun New York hirian bizi dira.

Aktorearen publizistak 2008ko ekainaren 3an egindako adierazpen batzuetan oinarriturik, 2008. urtearen bukaerarako beraien lehen seme/alabaren jaiotza espero dute.