Micheline Ostermeyer

Micheline Obermeyer (Rang-du-Fliers, 1922ko abenduaren 23a - Bois-Guillaume, 2001eko urriaren 17a) frantziar atleta eta piano-jotzailea izan zen.

Micheline Ostermeyer
Irudi gehiago
Bizitza
Jaiotzako izen-deiturak	Micheline Odette Mary Ostermeyer
Jaiotza	Rang-du-Fliers, 1922ko abenduaren 23a
Herrialdea	Frantzia
Heriotza	Bois-Guillaume, 2001eko urriaren 17a (78 urte)
Hezkuntza
Heziketa	Parisko Kontserbatorioa
Hizkuntzak	frantsesa
Jarduerak
Jarduerak	piano-jotzailea, atleta eta saskibaloi jokalaria
Parte-hartzailea 1948ko Udako Olinpiar Jokoak
Pisua	73 kilogramo
Altuera	179 zentimetro
Jasotako sariak	ikusi Ohorezko Legioko zalduna
Musika instrumentua	pianoa

Victor Hugoren iloba biloba eta Lucien Laroche konpositorearen iloba izan zen. Lau urterekin hasi zen pianoa jotzen, eta hamalaurekin familiaren etxea utzi zuen Tunisian, Parisko Kontserbatorioan ikasteko. Bigarren Mundu Gerra hastean Tunisiara itzuli zen eta han piano errezitaldiak egin zituen Radio Tunisen.

Bertan ere hasi zen kirola egiten, saskibaloian eta atletismoan lehiatuz. Gerra amaitzean atletismoa praktikatzen jarraitu zuen piano ikasketak amaitzen zituen bitartean.

1948ko Olinpiar Jokoetan urrezko domina irabazi zuen pisu jaurtiketako eta disko jaurtiketako probetan, eta brontzezko domina gorako jauzian.

Gainera, zilarrezko domina irabazi zuen 1948ko Europako Atletismo Txapelketan, eta brontzezkoa 1950eko Europako Atletismo Txapelketan, biak ere pisua jaurtitzeko proban, eta brontzezko domina 80 metroko hesidun lasterketan, 1950eko Europako Txapelketan.

1950ean erretiratu zen kiroletik, eta pianoko kontzertista izaten jarraitu zuen.