Michael Caine

Zale gisara hasi zen antzerki, telebista eta zinemagintzan, paper txikiak eta laburrak eginez. Julian Amyesen Muino bat Korean (1956) izan zuen lehenbiziko filma, eta ez zuen sosik ere kobratu hartan lan egiteagatik. Bigarren mailako hainbat paper egin zituen ondoren, 1963an Zulu errodatu zuen arte, Cy Endfielden aginduetara: Hegoafrika britainiarren pean zegoen garaian kokatzen da filma, eta ofizial aristokrata baten papera egiten du Cainek. Hurrengo arrakasta britainiar zerbitzu sekretuetako agente gisa (Harry Palmer) lortu zuen, The Ipcress File (1965) filmari esker. Hurrengo urtean (1966) Alfie egin zuen, Lewis Gilberten zuzendaritzapean.

Hortik aurrera heldu zitzaizkion Hollywooden lan egiteko eskaintzak, baita paper hoberenak ere: Sleuth (1972, «Arrastoa»), Laurence Olivierrekin buruz buru egindako izugarrizko filma (antzerki obra tankerakoa), Joseph L. Mankiewiczek zuzendua; Errege nahi zuen gizona (1975), John Hustonen aginduetara egina eta Sean Connery protagonistakide duena. Ondoren egin zituen California suite (1979), Herbert Rossek zuzendua; Ihesa ala garaipena (1980), berriro ere John Hustonen aginduetara; Erailtzeko Jantzia (1980, Brian De Palma) Nahaspila Rion (1984), Stanley Donenekin; Hannah eta bere ahizpak (1986), Woody Allen zuzendari zuela (Oscarra jaso zuen Cainek film horretan egindako lanagatik); Askatasun gozoa (1986), Alan Aldarekin; Le Plus Escroc des deux (1988), Frank Ozek zuzendua.

1990eko hamarkadan film hauek egin zituen, besteren artean: Jekyll & Hyde (1990), Blue Ice (1992, «Izotz urdina»), Bullet to Beijing (1995, «Bala bat Pekinera»), Blood and wine (1996, «Odola eta ardoa»), Mandela and Klerk (1996), The Cider House Rules (1999, Sagardoaren etxeko arauak). Azken film horrengatik bigarren mailako antzezle hoberenaren Oscar Saria jaso zuen.

• Zulu (1964)
• The Ipcress File (1965)
• Alfie (1966)
• Billion Dollar Brain (1967)
• The Italian Job
• The Battle of Britain (1969)
• Too Late the Hero (1970)
• The Last Valley (1970)
• Get Carter (1971)
• Kidnapped (1971)
• Sleuth (1972)
• The Wilby Conspiracy (1974)
• Errege nahi zuen gizona (1975)
• The Romantic Englishwoman (1975)
• The Eagle Has Landed (1976)
• A Bridge Too Far (1976)
• The Island (1980)
• Dressed to Kill (1980)
• Escape to Victory (1981)
• Deathtrap (1982)
• Beyond the Limit (1983)
• Blame It on Rio (1984)
• Hannah and Her Sisters (1985)
• Half Moon Street (1986)
• Mona Lisa (1986)
• The Fourth Protocol (1986)
• Dirty Rotten Scoundrels (1988)
• Without a Clue (1989)
• Curtain Call (1997)
• The Cider House Rules (1999)
• Miss Congeniality (2000)
• Quills (2000)
• Shiner (2000)
• The Quiet American (2002)
• Austin Powers in Goldmember (2002)
• Betwitched (2005)
• The Prestige (2006)
• Sleuth (2007)
• The Dark Knight (2008)
• Harry Brown (2009)
• Inception (2010)
• Now You See Me (2013)
• Interstellar (2014)

• 2002 - Izendapena- Gizonezko aktore onenaren Oscar Saria - The Quiet American
• 1999 - Garailea- Gizonezko bigarren aktore onenaren Oscar Saria - The Cider House Rules
• 1986 - Garailea- Gizonezko bigarren aktore onenaren Oscar Saria - Hannah and Her Sisters
• 1983 - Izendapena- Gizonezko aktore onenaren Oscar Saria- Educating Rita
• 1972 - Izendapena- Gizonezko aktore onenaren Oscar Saria- Sleuth
• 1966 - Izendapena- Gizonezko aktore onenaren Oscar Saria- Alfie

Wikimedia Commonsen badira fitxategi gehiago, gai hau dutenak: Michael Caine

• Michael Caine aktorearen IMDBko fitxa irakurgai (Ingelesez)