Mersin
Mersin Turkiako hegoaldeko kostaldean dagoen hiria da, herrialde osoko hamargarren populatuena dena. 2014an 915.703 biztanle zituen.
| Mersin Mersin | |
|---|---|
metropolitan municipality in Turkey (en)  | |
 | |
| Administrazioa | |
| Herrialdea |  Turkia |
| Probintzia | Mersin probintzia |
| Izen ofiziala | Mersin |
| Jatorrizko izena | Mersin |
| Geografia | |
| Koordenatuak | 36°48′N 34°37′E |
 | |
| Azalera | 15853 km² |
| Altuera | 10 |
| Demografia | |
| Biztanleria | 1.814.468 (2018) 48.668 (2014) |
| Dentsitatea | 114,46 bizt/km² |
| Informazio gehigarria | |
| Ordu eremua | UTC+03:00 |
| Hiri senidetuak | Latakia, Oberhausen, Kushimoto (en) eta West Palm Beach (Florida) |
| Hizkuntza ofiziala | turkiera |
| http://www.mersin.gov.tr | |
Mediterraneoko portu garrantzitsuenen artean dago halaber, Turkiako handiena izanik.
Banaketa administratiboa eta biztanleria
| Udalerriak | Biztanleak 2011an | Biztanleak 2013an |
|---|---|---|
| Akdeniz | 274.684 | 279.383 |
| Mezitli | 133.378 | 158.482 |
| Toroslar | 252.706 | 277.658 |
| Yenişehir | 198.912 | 224.995 |
Klima
 Datu klimatikoak (Kayseri)  | |||||||||||||
|---|---|---|---|---|---|---|---|---|---|---|---|---|---|
| Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
| Erregistraturiko tenperatura maximoa (°C) | 25.2 | 26.5 | 29.8 | 34.7 | 35.8 | 38.2 | 37.3 | 39.8 | 38.5 | 36.4 | 31 | 27 | ' |
| Batez besteko tenperatura maximoa (°C) | 14.7 | 15.5 | 18.2 | 21.6 | 24.8 | 28.1 | 30.7 | 31.5 | 30 | 26.7 | 21.4 | 16.5 | 23.3 |
| Batez besteko tenperatura minimoa (°C) | 6.3 | 6.8 | 9.2 | 13 | 16.8 | 20.8 | 23.9 | 24.2 | 20.9 | 16.3 | 11.4 | 7.8 | 14.8 |
| Erregistraturiko tenperatura minimoa (°C) | -6.3 | -6.6 | -2.2 | 0.6 | 7 | 5.3 | 16.1 | 15 | 11 | 2.7 | -0.8 | -3 | ' |
| Pilatutako prezipitazioa (mm) | 112.9 | 78.7 | 56.4 | 35.2 | 23.6 | 8.9 | 7.6 | 4.7 | 8.5 | 38.3 | 78.6 | 135.7 | 589.1 |
| Euri egunak (≥ 1 mm) | 10.1 | 9.2 | 7.6 | 6.8 | 5.2 | 2.2 | 0.9 | 0.8 | 1.7 | 5 | 6.8 | 10.6 | 66.9 |
| Eguzki orduak | 173.6 | 159.6 | 210.8 | 228 | 272.8 | 303 | 316.2 | 310 | 282 | 241.8 | 177 | 151.9 | 2826.7 |
| Iturria: Devlet Meteoroloji İşleri Genel Müdürlüğü[1] | |||||||||||||
Historia
Antzinako Grezian, hiriak Zephyrion izena hartzen zuen, eta garai hartako idazle ugarik aipatu zuten. Portu naturalaz gain, kokapen estrategikoa zeukan Anatoliako hegoaldearen merkataritza bideetan. Molibdenoa zen material nagusia, ondoan zeuden Coreyra-ko meategietatik ateratakoa.
Erromatar Inperioan, Ziliziako probintziaren barruan zegoen, Tarso hiriburua zeukana eta Mersin portu nagusia. Hiriaren izena latinizatu zuten, Zephyrium bihurtuta, eta ondoren Hadrianopolis, Hadriano enperadoreagatik. Theodosio I.a hil ondoren, 395. urtean, Mersin sartu zen Bizantziar Inperioan.
Bestela, 4 apezpiku garrantzitsu eduki zituen Zephyrium-ek: Aerius 381ean, Zenobius (429–441), Hypatius 451ean eta Petrus 692an. VII. mendearen hasieran, arabiarrek Ziliziako zonaldea konkistatu zuten. Gero egiptoarrak etorri ziren, bizantziarrak 965. urtea eta XII. mendea artean, armeniarren Ziliziako Erresuma, mamelukoak eta, azkenean, otomandarrak 1473an, ofizialki Selim I.ak hartua 1517an.
Ameriketako Estatu Batuetako Gerra Zibilaren garaian, kotoi esportatzaile handia izan zen, 1866an trenbidea iritsita porturaino. 1909an, kaian 645 lurrunontzi zenbatzen ziren, eta 800.000 tna inguru garraiatzen zituzten. Ikatza, ordea, gehien inportatzen zuten lehengaia zen. "Messageries Maritimes" konpainia handiena zen garai hartan.
1918an, frantziarrek eta ingelesek Mersin okupatu zuten, Sèvresko Ituna zela eta. 2 urte geroago turkiar armadak berreskuratu zuen. 1933an Mersin eta İçel probintziek bat egin zuten.
2013an hiria izan zen Mediterranear Jokoetako antolatzailea.
Senidetutako hiriak
.svg.png.webp)
Latakia, Siria
Kushimoto, Japonia
West Palm Beach, AEB
Oberhausen, Alemania
Valparaíso, Txile
Erreferentziak
- İl ve İlçelerimize Ait İstatistiki Veriler- Meteoroloji Genel Müdürlüğü. (Noiz kontsultatua: 2018/02/26).
