Merope (izarra)

Merope (23 Tauri / HD 23480 / HR 1156) Taurus konstelazioko izar bat da, Pleiadeen kumulu irekian dagoena. +4,14ko itxurazko magnitudearekin, kumuluko bosgarren izarrik dizdiratsuena da, eta gure eguzki-sistematik 440 argi-urteko distantziara dago. Merope zazpigarren pleiadearen izena da, Atlas titanaren eta Pleione ozeanidearen alabak zirenak.

Merope, 23 Tau

Merope η Tautik gertu (maparen behealdean).
Behaketa data
Garaia J2000      Ekinokzioa J2000
Konstelazioa Taurus
Igoera zuzena 03h 46m 19.5739s[1]
Deklinazioa 23° 56′ 54.090″[1]
Itxurazko magnitudea (V)4.113[1]
Ezaugarriak
Mota espektralaB6IVe[1]
U−B kolore indizea-0.41
B−V kolore indizea-0.06[2]
Aldakor motaBeta Cephei
Astrometria
Abiadura erradiala (Rv)6.2[1] km/s
Berezko mugimendua (μ) IZ: 21.17[1] mas/u
Dec.: -42.67[1] mas/u
Paralajea (π)9.08 ± 1.04[3] mas
Distantziaapprox. 360 au
(approx. 110 pc)
Magnitude absolutua (MV)−1.07
Zehaztasunak
Erradioa5.1[4] R☉
Gainazaleko grabitatea (log g)4.0[4]
Tenperatura13,360 ± 340[4] K
Beste izendapenak
Merope, 23 Tau, HR 1156, BD 23° 522, HD 23480, HIP 17608, SAO 76172, GC 4512, CCDM J03463+2357A
Datubase erreferentziak
SIMBADdata

Ezaugarri fisikoak

Merope izar azpierraldoi zuri-urdinska bat da, B6IV espektro motakoa eta 14.000 kelvineko tenperatura duena. Bere argitasuna 630 eguzkikoa da, eta bere erradioa 4,3 eguzkirena. Pleiadeetako izar gehienen kasuan bezala, bere errotazio abiadura oso altua da, 280 kilometro segunduko inguru, eguzkiarena baino 140 aldiz altuagoa, bere inguruan bira bat soilik 18 ordutan betez. Horren ondorioz, izarraren inguruan erradiazioa igortzen duen gasezko disko bat dago, Merope, kumuluko gainontzeko izar guztiak bezala, Be izar bat delarik. Diskoa Pleionerena (28 Tauri) baino finagoa den arren, hau X izpiak sortzeko bezain dentso eta beroa da.

Merope Beta Cephei izar aldakor bat da, 0,01 magnitude inguruko dizdira aldaketa txikiekin. Izar aldakor bezala, V971 izena jasotzen du.

NGC 1435

Meroperen inguruan erreflexio nebulosa bat dago, NGC 1435 edo Merope Nebulosa deitua. Pleiadeen kumulua zeharkatzen ari den eta zatirik dizdiratsuena Meroperen inguruan duen nebulosa baten zati da. Hasiera batean Pleiadeak eratu ziren lainoaren hondakina zela uste izan bazen ere, gaur egun, nebulosarekin topo egite hau halabeharrezkoa dela uste da.

Erreferentziak
  1. Centre de Données astronomiques de Strasbourg. SIMBAD query result: MEROPE -- Be Star. .
  2. Crawford, D. L.; Barnes, J. V.; Golson, J. C.. (1971). «Four-color, Hbeta, and UBV photometry for bright B-type stars in the northern hemisphere» (PDF) The Astronomical Journal 76: 1058.  doi:10.1086/111220. Bibcode: 1971AJ.....76.1058C..
  3. Perryman, M. A. C.; Lindegren, L.; Kovalevsky, J.; Hoeg, E.. (1997). «The HIPPARCOS Catalogue» (PDF) Astronomy and Astrophysics Supplemental Series 34 (323): L49–L52. Bibcode: 1997A&A...323L..49P..
  4. Underhill, A. B.; Divan, L.; Prevot-Burnichon, M.-L.; Doazan, V.. (1979). «Effective temperatures, angular diameters, distances and linear radii for 160 O and B stars» Monthly Notices of the Royal Astronomical Society 189: 601–605. Bibcode: 1979MNRAS.189..601U..

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.