Merkantzia-tren

Merkantzia-trena potentzia handiko tren-makina batek eta karga-garraiorako prestatutako bagoi batzuek osatutako trena da; ohikoa da tren horiek bi tren-makinarekin ikustea, potentzia handia behar baitute beren karga-tonak mugitzeko, eta malda handieneko ibilbideetan lokomotor gehiago ere behar izan ditzakete.

Merkantzia-tren bat Miranda Ebroko geltokian.

Askotan tren horiek geltoki propio batzuk erabiltzen dituzte, hirietatik gertu dauden industrialdeetan egon ohi direnak, zerbitzua ematen duten enpresetatik hurbilago daudenak eta bidaiarien trafikoa oztopatzen ez dutenak.