Merindad de Valdivielso

Merindad de Valdivielso Burgosko iparraldean dagoen udalerria da, Merindadeetako eskualdean dagoena. 14 herri hartzen ditu barne, herriburua Quecedo delarik. 129 kilometro karratuko azalera dauka.

Merindad de Valdivielso
Espainiako udalerria
Administrazioa
Estatu burujabe Espainia
Autonomia Gaztela eta Leon
Probintzia Burgosko probintzia
AlkateaÓscar Palencia Corrales
Izen ofizialaMerindad de Valdivielso
Posta kodea09559
INEk ezarritako kodea09217
HerriburuaQuecedo (en) Itzuli
Geografia
Koordenatuak42°49′29″N 3°32′48″W
Map
Azalera129 km²
Altuera645 m
MugakideakVillarcayo de Merindad de Castilla la Vieja, Merindad de Cuesta-Urria, Trespaderne, Oña, Rucandio, Los Altos eta Valle de Manzanedo
Demografia
Biztanleria403 (2023)
17 (2022)
alt_left 165 (%40,9) (%55,3) 223 alt_right
Dentsitatea3,12 bizt/km²
Informazio gehigarria
Ordu eremuaUTC+01:00
MatrikulaBU
merindaddevaldivielso.com

2007ko urtarrilaren 1eko erroldaren arabera 454 biztanle zituen, eta 2021ean 386 (ia 3 biz/km2).

Geografia

Ingurune naturala

Ebro ibaiak harana zeharkatzen du, La Tesla eta Tudancako mendilerroen artean, Los Hocinos-eko haitzartetik. Cerecedako urtegiak biltzen ditu bere urak azkenik. Batez besteko altuera 645 metrokoa da.

Mugakideak

Iparraldean Valle de Manzanedo eta Villarcayo, hegoaldean Rucandio eta Oña, ekialdean Merindad de Cuesta-Urria eta Trespaderne eta mendebaldean Los Altos ditu udalerri mugakide.

Herriak
  1. El Almiñé
  2. Arroyo de Valdivielso
  3. Condado
  4. Hoz de Valdivielso
  5. Panizares de Valdivielso
  6. Población de Valdivielso
  7. Puente Arenas
  8. Quecedo (herriburua)
  9. Quintana de Valdivielso
  10. Santa Olalla
  11. Tartalés de los Montes
  12. Toba
  13. Valdenoceda
  14. Valhermosa

Historia

860. urtetik aurrera Gaztelako Rodrigo kondearen agintepean gelditu zen, Gaztelako Konderriaren barruan. Garai hartan, mugako lurralde gotortuak ziren, sarrazenoen inbasioetatik defendatzen zirenak. Bestela, San Pedro de Tejadako monjeek parrokiak sortu zituzten eta birpopulazioa bultzatu zuten.

XIII. mendean, Oñako San Salvadorreko monastegiaren menpe gelditu zen ibarra. Gaztela Zaharreko 7 Merindadeetako Kontzeju Nagusian parte hartuko zuen ordutik.

Antzinako Erregimena erortzean, udalerria sortu zuten, auzo hauekin: Ahedo de Butrón, Arroyo, Condado, Dobro, Escóbados de Abajo, Escóbados de Arriba, Herrera, Hoz, Huéspeda, Madrid de las Caderechas, Panizares, Población, Porquera del Butrón, Puente-Arenas, Quecedo, Quintana de Valdivielso, Quintanilla-Colina, Santa Olalla, Tartalés de los Montes, Toba, Tubilleja, Tudanca, Valdenoceda, Valhermosa eta Villalta. El Alminé herriburua zen.

1857rako Villaescusa de Butrón eta 1910erako Los Altos de Dobro udalerriak sortu zituzten, modu horretan populazioa galtzen.

2001ean Radio Valdivielso martxan ipini zuten.

Ondarea
  • Quecedoko eremiten bizitokiak.
  • Arraina eta gatzaren ibilbideak (Erdi Aroko galtzadak).
  • San Pedro de Tejada, El Almiñé (San Nicolás) eta Valdenocedako (San Miguel) eliza erromanikoak.
  • Loja, San Martín eta Valdenocedako (Fernández Velascotarrena) dorretxeak.
  • Malvecinoko gaztelua.

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.