Mendi Santuetako Parke Natural Nazionala

Mendi Santuetako Parke Natural Nazionala (ukraineraz: Святі Гори національний природний парк) –Sviati Hory PNN modura laburtzen ohi dena– Donets ibaiaren klera-labarretan eta ibai-terrazetan dago Ekialdeko Ukrainan kokaturikoa.[1] Parkearen mugak Donets ibaiaren ertzean hedatzen diren baso-eremuen adabaki bat dira. Ukrainako Mendi Santuek, parkearekin batera, gune arkeologiko, natural, historiko eta aisialdi-gune ugari dituzte. Parkea Sloviansk (11,957 ha), Lyman (27,665 ha) eta Bakhmut hirien barruti administratiboetan dago kokaturik; hiruak guztiak, Donetsk Oblastaren iparraldean.[2]

Mendi Santuetako Parke Natural Nazionala
KokalekuaDonetskeko oblasta, Ukraina
Koordenatuak48°55′00″N 37°47′00″E
Mendi Santuetako Parke Natural Nazionala is located in Ukrania
Mendi Santuetako Parke Natural Nazionala
Mendi Santuetako Parke Natural Nazionala
Mendi Santuetako Parke Natural Nazionala (Ukrania)
Azalera40.605,5 ha
IzendapenaNatura-parke nazional
IUCNren babesaII. maila: parke nazional
Sorrera97-02-13

Topografia

Donets ibaia parkearen iparraldeko Errusiako goi-lurretan sortzen da, hego-ekialderantz Ukraina zeharkatu eta Errusiara itzultzeko. Sviati Hory parkea Ukrainako sektorearen erdiko tartean dago, estepa, mendi, goi-ordoki eta hezeguneetan aberatsa den lurrean. Parkearen oinarri den ibaiaren ezkerraldea ibai-terrazak dira gehienbat, aintzira eta erreka ugarirekin.[2] Eskuineko ertzetan, bestalde, ibaiaren gainetik 120–130 metro altxatzen diren klerazko muinoak daude. Donetsek, batez beste, 2.5 metroko uholdea egiten du urtero, 5.8 metroko maximoekin 5 urtean behin.[1]

Klima eta ekoeskualdea
Ukrainako zigilu bat, parkearen omenez.

Mendi Santuen Parkeko klima kontinental hezea (Köppen klima sailkapenean, Dfb motakoa). Klima honek tenperatura-aldaketa handiak ditu, bai egunekoak bai urtarokoak; hala, uda leunak eta negu hotzak eta elurtuak ematen dira klima mota honetan.[3][4]

Parkea Pontiko-Kaspiar esteparen ekoeskualdean dago kokaturik, Errumaniaren mendebaldean hasi eta Ural mendilerroaren hegoaldeko eskualderaino hedatzen den belardia.[5]

Flora eta fauna

Parkearen %91a basoa da, beste %2.5 bat sahats- edo haltz-zuloak, eta %1.5a belardiak. Parkeak flora- zein fauna-espezie aniztasun handia du, Ukrainako espezieen herena baino gehiago parkearen mugetan aurkitzen baita. Ezkerreko ertzean, hostozabal-basoetan 90–110 urte zehar diren hariztiak –zuhaitzen heren bat osatzen dutenak–, lizarrak, ezkiak eta astigarrak agertzen dira. Lehenengo ibai-terrazak hareatsuak izaten dira askotan, pinudiak dituztenak. Estepa-eremu batean normalean arraroa bada ere, inguruko basoek erliebe menditsuaren eta inguruko ur naturalaren etekina ateratzen dute. Parkeko belar-geruzak estepa-espezieetara jotzen du. Denetara, 943 landare-espezie ezberdin erregistratu dira parkean, erlikia- (Kretazeo garaikoak) eta endemismo- –20, egun erregistraturik– espezie asko barne.[1]

Parkeak 40 arrain-espezie, 200 hegazti baino gehiago, 10 narrasti eta 48 ugaztun erregistratu ditu. Parkeak ugaztun harrapari ugari ditu; besteak beste, azeria, marta eta baita otsoa ere. Azeriak parkeen mugen barruan egin ohi dira; hala ere, noizean behin inguruko baserri-lurretan sartzen dira ere.

Erabilera publikoa

Parkearen %85a inguru aisialdirako erabilgarri dago; izan ere, parkean zehar mendi-ibilaldiak, kanpalekuak –betiere, izendatutako guneetan– eta bisita historiko eta ekologikoa egin daitezke. Parkearen %6.5a, bestalde, publikoarentzat debekatuta dago gune bereziki garrantzitsuak edo sentikorrak babesteko helburuarekin.[6]

Parke nazionala arriskuan dago 2022an Ukrainako Errusiako inbasioak eta eremuko operazio militarrak eragindako baso-suteengatik.[7]

Erreferentziak
  1. (Ingelesez) Svyati Gory NNP. Dobropil Central Library.
  2. (Ukraineraz) National Nature Park Holy Mountains. Official Park Site.
  3. (Ingelesez) Kottek, M., J. Grieser, C. Beck, B. Rudolf, and F. Rubel, 2006. World Map of Koppen-Geiger Climate Classification Updated. Gebrüder Borntraeger 2006.
  4. (Ingelesez) Dataset - Koppen climate classifications. World Bank.
  5. (Ingelesez) Map of Ecoregions 2017. Resolve, using WWF data.
  6. (Ukraineraz) Information - NNP Svyaty Gory. Official Park Site.
  7. UNESCO Reserve and National Park are on fire from hostilities!. 6 May 2022.

Ikus, gainera
  • Ukrainako Parke Nazionalak

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.