Melanpo
Greziar mitologian, Melanpo (antzinako grezieraz: Μελάμπους, Melampous, "oin beltzezkoa"), greziar igarle bat da. Hesiodok olerki bat eskainiko zion, Melampodia izenekoa, gaur egun desagertuta dagoena.
| Melanpo | |
|---|---|
| Ezaugarriak | |
| Sexua | gizonezkoa |
| Familia | |
| Aita | Amythaon (en)  |
| Ama | Eidomene (en) |
| Ezkontidea(k) | Iphianassa (en) eta Iphianeira (en) |
| Seme-alabak | Abas (en) , Antiphates (en) , Mantius (en) eta Pronoe (en) |
| Anai-arrebak | Bias |
Mitoa
Umea zela, Melanpok, bere zerbitzariei, hauek harrapatutako bi suge salbatzeko agindu zien. Esker on gisa, sugeek, ume gazteari, animaliekin hitz-egiteko ahalmena eman zioten.
Helduarora iritsi zenean, Melanpo, ospe handiko igarle eta petrikilo bat izan zen. Argolidan zegoela, Preto erregeak deitu zuen. Errege honen hiru alabak erotu egin ziren, Dioniso jainkoa gurtzeari uko egiteagatik, behiak zirela uste zuten. Melanpok, erresumaren heren bat eskatu zuen sendapenaren prezio bezala. Pretok uko egin zion, eta hiru printzesen eromena hedatu egin zen, laster, erresuma guztiko emakumeak berdin geratu zirelarik, euren etxeak utzi eta euren seme-alabak hil zituztenak. Melanpok, orduan, dionisiar eromena arindu zuen sendapen homeopatiko baten bidez: "erritu oihu eta deabruzko erotasun baten bidez". Melanpok, orduan, erresumaren bi heren jaso zituen, heren bat beretzako eta bestea bere anaiarentzako.
Iturriak
- Apolodoro Liburutegi mitologikoa i.9.11-13, ii.2.2
- Diodoro Sikulo Biblioteka Historikoa iv.68
- Herodoto Historiak ii.49
- Propertzio Elegiak ii.3, v.51 eta hurrengoak
- Virgilio Georgikak iii.550
