Mazovia

Mazovia[1] (polonieraz: Mazowsze) Poloniako erdi-ekialdeko eskualde historiko eta kulturala da. Historian zehar Plock, Czersk eta Varsovia izan ditu hiriburu.

Mazovia
Motaeskualde historiko
Geografia
Map
Koordenatuak52°58′38″N 19°01′13″E
Estatu burujabe Polonia
Voivoderria Mazoviako voivoderria

Mazoviaren eta 1999an eratutako Mazoviako voivoderriaren mugak ez datoz bat.

Geografia

Mazoviak Vistularen erdi-ibilguaren eta Bug eta Narewen behe-ibilguaren lur behereak hartzen ditu. Iparraldean Masuria dauka, ekialdean Podlasia, hegoaldean Polonia Txikia eta mendebaldean Polonia Handia.

Historia

X. mendearen lehenbiziko erdian Poloniar estatuari batu zitzaion. 1138an, Poloniako Erresuma Bolesław III.aren semeen artean banatu zelarik, Mazovia dukerri nagusietako bat bilakatu zen. XIII. mendean mongolen inbasioa pairatu zuen. 1526an berriz batutako Poloniako Erresumarekin elkartu zen. 1611n Varsovia Poloniako hiriburu bihurtu zenetik, Mazoviaren garrantzia handituz joan zen.

XVIII. mendean Polonia zatitu zenean, Mazovia Prusiaren esku geratu zen. 1807an, Napoleondar Gerren garaian, Varsoviako Dukerri Handiaren barnean sartu zen. 1815etik 1918 arte Errusiaren mende egon zen[2].

Erreferentziak
  1. Europako eskualde historiko-politiko nagusiak Euskaltzaindia.net
  2. Mazovia Encyclopædia Britannica Online. Retrieved 05 August, 2012

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.