Maurice Krafft

Maurice Krafft (Guebwiller, 1946ko martxoaren 25a - Japonia, 1991ko ekainaren 3a) frantziar sumendi-ikertzailea izan zen. Estrasburgon eta Besançonen egin zituen Lurraren Zientzietako ikasketak. 1970ean Katia Conradekin ezkondu zen. Emaztearekin batera, sumendien jarduera argazki, film, liburu eta hitzaldien bidez ezagutzera emateagatik da gehienbat ezaguna. 1975ean, Geografia Elkartearen Saria eta Esplorazio Saria jaso zuten senar-emazteek. Hogeita bost urtez ibili ziren munduan zehar sumendietako erupzioak aztertzen, ikertzen eta filmatzen. Erupzio horietako batean, Japoniako Unzen sumendiarenean, aurkitu zituen heriotzak. Hainbat dibulgazio-lan argitaratu zituzten egindako ikerketei buruz: Les Volcans (1975, Sumendiak); Volcans et dérive des continents(1978, Sumendiak eta kontinenteen jitoa); Volcans du monde(1987, Munduko sumendiak); Les Feux de la Terre (1991, Lurraren suak). 1990ean Sumendien arriskuak izeneko bideoa egin zuen UNESCOren laguntzarekin; bertan, sumendien zazpi arrisku nagusiak ematen dira ezagutzera.

Maurice Krafft
Irudi gehiago
Bizitza
Jaiotza	Mulhouse, 1946ko martxoaren 25a
Herrialdea	Frantzia
Heriotza	Unzen, 1991ko ekainaren 3a (45 urte)
Heriotza modua	istripuzko heriotza: Hodei piroklastikoa Sumendi-erupzioa
Familia
Ezkontidea(k)	Katia Krafft  (1970eko abuztuaren 18a -  1991ko ekainaren 3a)
Hezkuntza
Heziketa	Estrasburgoko Unibertsitatea 1970) master : geologia
Hizkuntzak	frantsesa
Jarduerak
Jarduerak	bolkanologoa
Lan nabarmenak	ikusi Volcanoes: Fire from the Earth (en)
Jasotako sariak	ikusi [[]]  (1975eko otsailaren 25a)
Kidetza	Société géologique de France (en)