Matt LeBlanc
Matthew Steven LeBlanc (Newton, Massachusetts; 1967ko uztailaren 25a) Matt LeBlanc izenaz ezaguna, aktore estatubatuarra da, Joey Tribbiani paperagatik famatua, Friends telesailean (1994-2004).
| Matt LeBlanc | |
|---|---|
 | |
| Bizitza | |
| Jaiotzako izen-deiturak | Matthew Steven LeBlanc |
| Jaiotza | Newton (Massachusetts), 1967ko uztailaren 25a (56 urte) |
| Herrialdea |  Ameriketako Estatu Batuak |
| Lehen hizkuntza | ingelesa |
| Familia | |
| Bikotekidea(k) | ikusi
|
| Hezkuntza | |
| Heziketa | Newton North High School (en)  1985) |
| Hizkuntzak | ingelesa |
| Jarduerak | |
| Jarduerak | telebista-aktorea, zinema ekoizlea, zinema aktorea eta aktorea |
| Altuera | 1,78 metro |
| Jasotako sariak | ikusi
|
           | |
Biografia
Matt LeBlanc 1967ko uztailaren 25a jaio zen Newtonen (Massachusetts). Haren ama (Patricia Grossman) pertsonal-burua zen, eta aita (Paul LeBlanc), mekanikaria. Ama jatorri italiarrekoa zen, eta aita, berriz, frantses-kanadarra.
Zurgintza ikasi zuen, eta ikasketak amaitutakoan, New Yorkera joan zen. Bertan antzezle lanetan hasi zen Flo Greenberg-en babesean, eta Private Wars, Out of Gas On Lover's Leap eta A Streetcar Named Desire antzerki-lanetan lortu zituen paperak. 1987an telebista-iragarkietan jardun zuen: Levi's 501, Coca-Cola, Doritos, Milky Way, Tomato Ketchup Heinz.
1988an TV 101 telesailean protagonistaren papera lortu zuen, eta Los Angelesera joan zen bizitzera. 1990ean, Jon Bon Joviren Miracle bideoklipean antzeztu zuen, eta 1991n Alanis Morissetteren Walk Away bideoklipean.
LeBlancek arrakasta lortu zuen Friends telesailean, Joey Tribbianiren pertsonaia antzeztuz: rol horrengatik, Emmy sari bat lortu zuen. Telesailak hamar denboraldi iraun zuen, eta 2004an amaitu zen.
Gerora, Ed (1996), Lost in Space (1998), Charlie's Angels (2000), eta All the Queen's Men (2001) filmetan ere lan egin du.
Maiz italiar-amerikarren paperak egiteko aukeratua izan da.
2010. urtean bizitza publikora itzuli zen, Episodes telesailarekin: horrekin, 2011ko Emmy sarietarako proposatua izan zen.
Bizitza
2003. urtean, Melissa McKnight modeloarekin ezkondu zen, eta 2004. urtean alaba bat izan zuten (Marina), baina 2006an dibortziatu ziren.
Filmografia
| Urtea | Izenburua | Papera | Informazio gehiago |
|---|---|---|---|
| 1988 | TV 101 | Chuck Bender | |
| 1990 | Anything to Survive | Billy Barton | Telebistarako filma |
| 1991 | Married... with Children | Vinnie Verducci | |
| Red Shoe Diaries | Kyle | "Just Like That", "Kidnap" pasarteak | |
| 1993 | Grey Knight | Terhune | |
| 1994 | Reform School Girl | Vince | Telebistarako filma |
| Lookin' Italian | Anthony Manetti | ||
| Friends | Joey Tribbiani | 10 denboraldi, 1994–2004 | |
| 1996 | Ed | Jack 'Deuce' Cooper | |
| 1998 | Lost in Space | Major Don West | |
| 2000 | Charlie's Angels | Jason Gibbons | |
| 2001 | All the Queen's Men | O'Rourke | |
| 2003 | Charlie's Angels: Full Throttle | Jason Gibbons | |
| 2004 | Joey | Joey Tribbiani | 2 denboraldi, 2004–2006 |
| 2011 | Episodes | Matt LeBlanc | Bigarren denboraldia laster |
Sariak
| Urtea | Saria | Lana |
|---|---|---|
| 1995 | Screen Actors Guild Awards | Friends |
| 2002 | Teen Choice Awards | Friends |
| 2005 | People's Choice Awards | Friends |
| 2012 | Urrezko Globo Sariak | Episodes |
