Mary Leakey

Mary Leakey
	; Irudi gehiago
Bizitza
Jaiotza	Londres, 1913ko otsailaren 6a
Herrialdea	Erresuma Batua
Heriotza	Nairobi, 1996ko abenduaren 9a (83 urte)
Familia
Ezkontidea(k)	Louis Seymour Bazett Leakey (1936ko abenduaren 25a - 1972ko urriaren 1a)
Seme-alabak	ikusi Richard Leakey; Philip Leakey; Jonathan Leakey;
Hezkuntza
Hezkuntza-maila	ohorezko doktorea; ohorezko doktorea; ohorezko doktorea
Hizkuntzak	ingelesa
Jarduerak
Jarduerak	antropologoa, arkeologoa, historiaurrelaria, paleoantropologoa, biologoa eta paleontologoa
Jasotako sariak	ikusi Prestwich Medal (1969) ; Elizabeth Blackwell Award (1980) ; Hubbard Medal (1962) ; Fellow of the British Academy ; Fellow of the American Academy of Arts and Sciences ; Gold Medal of the Society of Woman Geographers (1975) ;
Kidetza	Suediako Zientzien Errege Akademia; Arteen eta Zientzien Ameriketako Estatu Batuetako Akademia; Ameriketako Estatu Batuetako Zientzien Akademia Nazionala

Mary Leakey, jaiotza-izenez Mary Douglas Nicol (Londres, Ingalaterra, 1913ko otsailaren 6a - Nairobi, Kenya, 1996ko abenduaren 9a) britainiar paleoantropologoa izan zen.

Biografia

11 urte zituela sortu zitzaion antropologiarako grina, Frantzia hegoaldeko Cro-Magnongo gizonaren haitzulo famatua bisitatu zuenean. Londresen antropologia eta geologia ikasi ondoren, harrizko tresna eta lanabesetan aditua bilakatu zen. Ingalaterran bertan hainbat indusketatan parte hartu eta 1931n kultura klaktoniarrari buruzko ikerlan bat gidatu zuen Essexen. Urte haietan hasi zen Louis Leakey antropologoaren Afrikako espedizioetara joaten, eta 1936an harekin ezkondu zen.

Australopithecus boisei kraneoaren erreplika, Mary Leakeyk 1959an aurkitua.

1959an 1.750.000 urte baino gehiago zituen Zinjanthropus boisei (ondoren Paranthropus boisei deitutakoa) espeziearen burezurra aurkitu zuen Olduvaiko haitzartean, Afrikako hominidoen antzinatasun handia frogatuz. 1975ean Homo generoko masailezurra eta hortzak aurkitu zituen, 3.750.000 urtekoak, eta lau urte geroago, 1979an, ordu arte ezagutzen ziren hanka biko hominido baten aztarna fosildu zaharrenak, 3.600.000 urtekoak.

Lan handi eta zorrotz baten zati bat, "Olduvaiko haitzartea" (1971), eta Afrikako paleontologia eta historiaurreari buruzko idazlan ugari argitaratu zituen. "Iragana ezagutaraziz" izenburuko autobiografia argitaratu zuen 1984an.

Erreferentziak

Wikimedia Commonsen badira fitxategi gehiago, gai hau dutenak: Mary Leakey

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q231111
Multimedia: Mary Leakey / Q231111

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.