Mark Lee

2013ko abenduan, SM Entertainmentek iragarri zuen Mark SM Rookies taldeko kide zela.[2]

2014an, Exo 90:2014 izeneko errealitate programan azaldu zen, SM Rookies proiektuko beste kide batzuekin batera. Bertan, abestu, dantzatu eta 90ko hamarkadako K-pop bideoklipak imitatu zituzten.[3]

2015ean, Disney Channel Koreako The Mickey Mouse Club saioan azaldu zen, SM Rookies proiektuko beste kide batzuekin batera. Saioa 2015eko abenduaren 17an igorri zen eta Super Junior taldeko Leeteuk-ek aurkeztu zuen.[4]

2016ko apirilean, SM Entertainmentek baieztatu zuen Markek NCT taldearen lehen azpiunitatean egingo zuela debuta, SM Rookies proiektuko beste 4 kiderekin batera: Taeyong, Doyoung, Ten eta Jaehyun. Hala, NCT Uk apirilaren 9an egin zuen debuta The 7th Sense single digitalarekin. Abestiaren letra idazten langundu zuten Markek eta Taeyongek.[5]

2016ko uztailean, SMek adierazi zuen Mark NCT taldearen bigarren azpiunitateko kide izango zela, Taeyong, Taeil, Yuta, Jaehyun, Winwin eta Haechan-ekin batera. NCT 127k 2016ko uztailaren 10ean egin zuen debut ofiziala Fire Truck abestia eta NCT #127 mini diskoarekin. Fire Truck eta Once Again abestiak idazten lagundu zuen Markek.[6]

2016ko abuztuan, SMek baieztatu zuen Mark NCT taldearen hirugarren azpiunitateko kide izango zela, Renjun, Jeno, Haechan, Jaemin, Chenle eta Jisung-ekin batera. NCT Dreamek 2016ko abuztuaren 24an egin zuen debut ofizila, Chewing Gum single digitalarekin.

2016ko irailean, Markek Henry Lau abeslariaren What to Do abestian hartu zuen parte. Abestia KBS kateko Sweet Stranger and Me dramako soinu-banda ofiziala izan zen.[7] Abesti horrek markatzen du Marken bakarkako lanaren hasiera.

2017ko urtarrilean, High School Rapper izeneko hip hop telebista programan azaldu zen, Mnet katean.[8] Finaleraino iritsi eta Red Velvet taldeko Seulgirekin batera Drop abestu zuen. Azkenean, 7. gelditu zen.[9] Hilabete berean, NCT 127k Limitless mini diskoa atera, eta Markek Good Thing, Baby Don't Like It eta Angel abestiak idazten lagundu zuen.[10]

2017ko otsailean, NCT Dreamek My First and Last single digitala atera, eta Markek abestiaren sorkuntzan parte hartu zuen.

2017ko martxoan, KBS2 kateko Music Bank programan hasi zen lanean lehenengo aldiz MC berezi moduan. Hilabete berean, NCT Dreamen Trigger The Fever idatzi eta 2017ko Munduko Sub-20 Futbol Txapelketako abestia bihurtu zen.

2017ko ekainean, NCT 127k Cherry Bomb mini diskoa atera, eta Markek Cherry Bomb, Running 2 U, 0 Mile, Whiplash eta Summer 127 abestiak idazten lagundu zuen.[11] Hilabete berean, SBSko Inkigayo programan azaldu zen MC berezi moduan.[12]

2017ko uztailaren 7an, Markek eta EXO taldeko Xiumin-ek Young & Free abestia aurkeztu zuten. Singlea SM Station proiektuaren zati izan zen.[13] Uztailaren 17an, NCT Dreamek We Young mini diskoa atera eta Markek La La Love, Walk You Home eta My Page abestietan hartu zuen parte. [14] Hilabete berean, Mark SM eta Mystic Entertainmenten Snowball Project izeneko telebista saio berrian azaldu zen. Saio horretarako, Park Jae-jung abeslariarekin batera Lemonade Love abestia aurkeztu zuen, uztailaren 21ean. Abestia Henry Lauk eta Yoon Jong-shin-ek ekoiztu zuten eta SM Station proiektuaren parte izan zen. [15]

2018ko otsailean, Show! Music Core programako MC nagusi izendatu zuten, Mina eta Ong Seongwu abeslariekin batera. Programa 2019an utzi zuen, NCT 127ren jarduerekin jarraitzeko.[16]

2018ko martxoaren 14an, NCTk lehen disko osoa aurkeztu zuen, NCT 2018 Empathy deriturikoa. Markek Boss, Go, Yestoday eta Black on Black abestien sorkuntzan parte hartu zuen.[17]

2018ko maiatzean, MBC katearen It's Dangerous Beyond The Blankets errealitate programaren 2. denboraldian azaldu zen.[18]

2018ko abuztuan, SM Entertainmentek jakinarazi zuen Mark NCT Dreametik graduatuko zela. NCT Dreami eskerrak emateko Dear Dream abestiaren letra idazten lagundu zuen. Abestia We Go Up mini diskoan sartu zuten. Horrez gain, We Go Up, Beautiful Time eta Drippin' abestietan ere hartu zuen parte.[19]

2018ko urriaren 18an, Red Velvet taldeko Joyrekin batera Dream Me abestia atera, eta hori KBS kateko The Ghost Detective dramaren soinu banda izan zen. Hilabete bereko 22an, NCT 127k lehen disko osoa aurkeztu zuen, Regular-Irregular. Markek City 127, Regular, My Van eta Come Back abestien letrak idazten lagundu zuen.[20]

2018ko azaroaren 23an, NCT 127k disko osoaren berridizioa atera zuen, Regulate izenekoa. Markek Welcome To My Playground abestiaren letra sortzen lagundu zuen.

2018ko abenduaren 31an, NCT Dreametik graduatutako lehen kidea bihurtu zen.[21]

2019ko abuztuaren 7an, SM Entertainmentek adierazi zuen Capitol Recordsekin batera lan egin eta "super K-pop talde" bat sortuko zuela; gainera Mark proiektuaren zati izango zela ere jakinarazi zuen. Taldeak SuperM du izena eta haien interes nagusia merkatu amerikarrera sartzea da; horregatik promozionatzen dute gehienbat AEBn. Lehen mini diskoa urriaren 4an aurkeztu zuten, Jopping abestiarekin.[22]

2020ko martxoaren 6an, NCT 127k Neo Zone diskoa kaleratu zuen. Markek MAD DOG eta Love Song abestiak idazten lagundu zuen.

2020ko apirilean, SM Entertainmentek jakinarazi zuen NCT Dreamen sistema aldatuko zutela. Hasiera batean, taldeak graduazio sistema zuen, eta horri jarraiki kideek 18 urte betetzean graduatu eta taldea utzi beharko zuten. Hala ere, sistema aldatzeko erabakia hartu eta Mark taldera itzuliko zela adierazi zuen diskoetxeak.[23]