Mariona Caldentey

Collerensen hasi zuen karrera, Rabassako Coll d'en taldean, eta futbolari gisa trebatu zen.[16] Han, hamazortzi urte arte jokatu zuen; Bartzelonak fitxatu zuen arte.[11] Balearretako klubean, Caldenteyk hainbat lesio gainditu behar izan zituen.[2] Lehen mailan egin zuen debuta, 15 urte besterik ez zituela, eta bi denboraldi egin zituen Iberdrola eta Collerense ligan, bartzelonara joan aurretik, kamiseta urdinxka janzteko.[9]

2014ko udan, F. C. Barcelonak ofizial egin zuen mallorcarraren fitxaketa.[17][18] Lehen denboraldian, Caldentey Kataluniako Kopako eta Espainiako Ligako txapelduna izan zen bere lagunekin batera.[2][19]

Denboraldiaren hasieran, klubak jakinarazi zuen Marionak dortsala aldatuko zuela eta harrezkero mantendu duen '9' zenbakia hartuko zuela. 2015. urtean, profesional egin zen lehen emakume-taldeko partaidea izan zen. Profesinalizatu zen Espainiako lehen emakume-taldea izan zen.[20][21][22]

Bartzelonan egin zuen hirugarren denboraldian, Caldentey Erregina Kopako txapelduna izan zen, Atlético Madril taldeari irabazi ondoren. Gainera, taldeak Champions (UEFAko Txapeldunen Liga) txapelketako finalerdietara iristea lortu zuen, baina Frantziako Paris Sant-Germainek (PSG) kanporatu egin zuen.[23]

Laugarren denboraldia, urdinkara gisa, lesio larri batek markatu zuen, eta lau hilabetez egon zen jokalekuetatik urrun.[24] 2017. urteko azaroan lesionatu zen Champions txapelketako final-zortzireneko partidan, Miniestadin. Klubeko zerbitzu medikoek azaldu zuten ezkerreko belauneko alboko lokailuaren zaintiratua zuela.[25] Lesioa izan arren, Caldenteyk 14 partida jokatu zituen ligan eta 8 gol sartu zituen, baina ez zen bahikoa izan Bartzelona ligako txapelduna izateko. Ekainean, lesioa gaindituta, Erregina Kopako finala jokatu ahal izan zuen Atlético Madrilen aurka, eta taldearen heroia izan zen, luzapenaren azken minutuetan garaipenaren gola markatu ondoren.[26]

Caldentey, taldekideekin batera, 2019ko Emakumezkoen Txapeldunen Txapelketako Finaleko Lyongo Olympique partidan lehia hasi aurretik.

2018ko abuztuan, Caldenteyk lesio bat izan zuen Espainiako selekzioarekin kontzentratuta zegoela, eta horrek denboraldia normaltasunez hastea eragotzi zion .[10][27] Denboraldiaren erdian, klubak bere kanal ofizialen bidez jakinarazi zuen kontratua berritu egingo zuela 2022ra arte.[28][29]

Atlético Madrilek irabazi zuen berriro Bartzelona ligako txapelketa. Marionak bosgarren kanpaina itxi zuen Bartzelonan: 20 partida jokatu zituen eta 9 gol sartu. Europako lehiaketan, 7 partidu jokatu zituen eta 2 gol lortu zituen. Horietako batek klubeko emakumezkoen futboleko sekzioaren historiako lehen finala jokatzeko balio izan zuen.[11][30] Caldentey hasierako hamaikakoaren parte izan zen finala jokatzeko, eta Bartzelonak 4-1 galdu zuen Olympique Lyonnaisen aurka.[31]

Otsailean, historiako emakumezkoen lehen Espainiako Superkopa jokatu zen; urdinxkek Realaren aurka jokatu zuten, eta 1-10 irabazi zuten.[32] 2020ko urtarrilaren 7an, taldeak 15. jardunaldiko ligako partida jokatu zuen San Mames estadioan Athleticen aurka, 32.068 ikusleren aurrean. Caldenteyk ireki zuen markagailua.[33][34] 2020ko maiatzean, Lluís Cortésen taldea Iberdrola Ligako (Esainiako Emakumezkoen Futboleko Superliga) txapelduna izan zen, zortzi jardunaldi falta zirela, eta Covid-19ren pandemiaren ondorioz, etxeko lehiaketa bertan behera geratu zelako.[35] Denboraldia amaitu ondoren, 17 partida jokatu zituen, 6 gol eta 5 emanaldi.

Erregina Kopa ere atzeratu egin zen pandemiaren ondorioz, eta lehiaketaren azken zatia 2021eko otsailean jokatu zen. Bartzelonak, azkenean, Logroñoko Futbol Eskolaren aurka jokatu zuten Malagako La Rosaleda estadioan, eta 3-0 Irabazi zuten.[36] Europako lehiaketari dagokionez, zirenaurkako partidan taldea kanporatua nizan zen finalerdietan.[37]

Taldea historiako lehen klasiko femeninoarekin hasi zen, Valdebebas kirol-hirian jokatutako partidarekin, eta 0-4ko emaitza lortu zuen madrildarren aurrean.[38][39] Denboraldian hainbat partida atzeratu behar izan ziren, Covid-19an aurkako taldeetan izandako kasu positiboen ondorioz. Urtarrilaren 6an, derbia jokatu zen Espanyolen aurka eta emakumezkoen taldeak 50 urteetan lehen aldiz jokatu zuen Klubeko Camp Noun estadio nagusian.[40] Partida horretan, Caldentey-ren jokaldi bat, regate bat egiten, birala bihurtu zen sare sozialetan.[41][42] Azulgranek Ligako Txapelketa irabazi zuten, bigarren aldiz jarraian, 2021eko maiatzaren 9an, lehia amaitzeko 8 partida falta zirela.[43]

2021eko urtarrilean, Espainiako Superkoparen bigarren edizioa jokatu zen, 4rako azken formatuan. Taldeak finalaurrekoa jokatu zuen Atlético Madrilen aurka, eta 1-1 berdinketa lortu zuten partidan. Penalti-txandan kanporatuta geratu ziren eta ezin izan zuten aurreko kanpainaren titulua baliozkotu.[44]

2021eko martxoan, taldea Txapeldunen Ligako finalerdiak jokatzeko sailkatu zen, final-laurdenetan Manchester City kanporatu ondoren.[45] Finalerdietan PSG kanporatu ondoren, Barçak Champions finala jokatu zuen Chelsearen aurka 2021eko maiatzaren 16an, Suediako Gotenburgo hirian. Urdinxkek Ingalaterrako neskei irabazi zieten alde handiarekin, 0-4 hain zuzen ere. Horrelaxe lortu zuten lehen aldiz Europako txapelketa irabaztea.[46][47]

Maiatzaren amaieran, Erregina Kopa jokatu zen, laurako formatuan, Butarqueko udal estadioan. Taldeak finalerdietan 4-0 irabazi zion Madril taldeari eta Levanteren aurka jokatu zuen.[48] Lluís Cortésen laugranak 4-2 irabazi zuten. Taldea txapelduna izan zen bigarren aldiz jarraian, eta historiaako zortzigarren txapela. Gainera, denboraldiaren amaieran hirukoitz historikoa egin zuten Espainiako klubarentzat eta emakumezkoen futbolarentzat.[49]

Caldenteyk denboraldia amaitu zuen, denboraldiko partida guztiak jokatuta. Ligako 34 partidak, Txapeldunen Ligako 9 partidak eta Espainiako Erregina Kopa eta Superkopako partidak jokatu zituen.[50][51] Haren goleatzaile erregistroek, bere karrerako onenek, taldeko goleatzaile handienaren postuan jarri zuten.[51]

2013ko urrian 19 urtez azpikoen Espainiako selekzioarekin jokatzeko deitu zuten lehen aldiz.[52] 2014ko udan, Jorge Vilda hautatzailearen zerrendan parte hartu zuen, Norvegian jokatutako 19 urtez azpiko europar txapelketan parte hartzeko.[53] Espainiarrek txapelketaren finalera iristea lortu zuten, baina Herbeheretako selekzioak garaitu zituen finalera.[17]

2015. urtean Israelgo munduko txapelketarako deialditik kanpo geratu zen lesio baten ondorioz.[54]

2016ko udan, Papua Ginea Berriko 20 urtez beherakoen txapelketan parte hartzeko deitu zuten.[55] Selekzioa final laurdenetan kanporatua izan zen Ipar Korearen aurka galdu baitzuten.[56] Caldentey izan zen Kanadaren aurrean munduko selekzioaren lehen gola markatzeko arduraduna. Hilabete batzuk geroago, FIFAk txapelketako gol onena zela onartu zuen.[57]

Selekzio absoluturako lehen deialdia 2017an egin zuen, beheragoko kategorietan entrenatzaile zian zuen Jorge Vilda hautatzaile nazionalaren eskutik.[58] Maila absolutuko lehen txapelketa handia Herbeheretan jokatutako Emakumezkoen 2017 Eurokopa izan zen.[59][60] Han, 'La roja' final laurdenetara iritsi zen, eta Austriako selekzioak kanporatu egin zuen penalti-txandan.[61]

2020ko urtarrilean, Ameriketako Estatu Batuetara joan zen selekzioa, She Believes Cup-en lehen aldiz parte hartzeko.[62] Vildako taldeak txapelketa amaitu zuen: 3-1 irabazi zuen Japoniaren aurka, Munduko Txapeldunen (Estatu Batuak) aurkak galdu egin zuten gutxiengoagatik (1-0) eta Ingalaterraren aurkako garaipena ere antzera, (1-0).[63] Gorria, Txapeldunaordea, bigarren postuan geratu zen txapelketan, estatubatuarren atzetik, .[64]