Marinkako gudua

Borrokak martxoaren 14an hasi ziren, DHEren Donetskeko administrazio-zentroaren aurkako bonbardaketa baten ostean,Vladimir Putinek, Errusiako Presidenteak, Donetsk Herri Errepublika errepublika independente modura aintzatetsi eta gero, Ukrainako errusiar inbasioaren testuinguruan.[4][5] Hiru egun geroago, Errusiak eta DHEko Indarrek erasoaldia abiatu zuten Marinkaren aurka.[6] Marinka, 2015eko ekainean, egun bakarreko gudu baten kokagune izan zen, Minsk II bake-akordioa sinatu zenetik lehen gatazka larria izan zena; hala ere, borroka horren ostean Ukrainako Indarrek hiri-kontrola edukitzen jarraitu zuten, DHEren erasoaldiak porrot egin baitzuen.[7]

2022ko martxoaren 17an, Errusiako Defentsa Ministerioak Donetskeko Herri Errepublikako Indarrek Marinka harrapatu zutela esan zuen;[8] Ukrainako Indarrek hiriaren kontrola berreskuratu zuten arren, beren esanetan, apirilaren 19rako.[9][10] Martxoaren 30ean, Estatuko Larrialdi Zerbitzuko langileek Errusiako Indarren fosforo zuriko munizioekin eginiko erasoen ondorioz herrian hasitako "dozenaka sute" itzali zituzten.[11] Martxoaren 31n, 9M22C motako su-granadak jaurti zituzten BM-21 Grad sistemen aurka; ondorioz, dozena bat sute piztu ziren hirian, eta Ukrainako Larrialdi Zerbitzu Nazionaleko langileek itzali zituztenak. Bestelako kokaguneak –hala nola, Novokalinove eta Otxeretyne– ere bonbardatu zituzten; erasoen ondorioz zibilak ez ziren zauritu, baina etxeak kaltetuak izan ziren. Gainera, Avdiivka, bonbardaketaren ostean, berriro isolaturik geratu zen.[12]

Apirilaren 17an bi pertsona hil eta lau zauritu ziren Errusiak buruturiko hiri-bonbardaketa batean.[13] Apirilaren 26an, Marinka erasotzeko Errusiaren beste saiakera bat uxatu zuten ukrainar indarrek, Pavlo Kyrylenko-ren arabera, Donetskeko Eskualdeko Administrazio Militarreko Burua.[14]

Mariupol bereganatu eta Azovstaleko burdingintzan Azov Batailoia errenditu ondoren, Errusiako Indarren fokua iparraldera aldatu zen maiatzaren 20tik aurrera –zehazki, Donetskeranzko norabidean– non Ukrainako Armadaren posizio indartsuenak zeuden, Marinka barne, helburu bezala..[15]