Mariano José de Larra

Mariano José de Larra
	; Irudi gehiago
Bizitza
Jaiotza	Madril, 1809ko martxoaren 24a
Herrialdea	Espainia
Heriotza	Madril, 1837ko otsailaren 13a (27 urte)
Hobiratze lekua	San Nicolás Cemetery (en) ; San Justoren hilerria
Heriotza modua	suizidioa: bala zauria
Hezkuntza
Hizkuntzak	gaztelania
Jarduerak
Jarduerak	idazlea, kazetaria, antzerkigilea, poeta eta literatura-kritikaria
Mugimendua	erromantizismoa
Izengoitia(k)	Fígaro

Mariano José de Larra (Madril, 1809ko martxoaren 24a – Madril, 1837ko otsailaren 13a). Erromantizismoko poeta narratzaile espainiarra izan zen. Bere lan gehienetan bizitzari eta bizitzaren zentzuari buruz hitz egiten du.

Biografia

Frantzian bizi izan zen 1818 arte. Zuzenbide ikasketak egin zituen Valladoliden eta Valentzian. 1833an El duende satírico agerkaria sortu zuen. Olerkiak, antzerki-lanak eta frantsesetiko itzulpenak egin zituen, baina 1932an, Larrak gustukoen zuen literatura-jardunean hasi zen, kazetaritzan. Ohiturazko eta kritikazko artikuluak idatzi zituen hainbat aldizkaritan: Revista Española, Revista mensajero, El observador, El correo de las damas, El Español, etab.

Oso ezagunak dira, esaterako, El castellano viejo, Vuelva usted mañana, El día de difuntos en Madrid eta La nochebuena de 1836 izeneko artikuluak. 1836an Literatura izeneko artikulua idatzi zuen. Hura izan zen bere erromantizismoaren aldarrikapen testua, ordu arteko isuri neoklasikoa erabat baztertuta. Politikan ere jardun zuen, Mendizabal ministroaren kontra eta aurrerazaletasunaren alde. Karlismoaren kontra ere idatzi zuen. Politikako eta maitasunezko atsekabeen ondorioz, bere burua hil zuen 28 urte besterik ez zituela. Garrantzitsuak dira, batez ere, Larraren artikulu bildumak (lehen hiru liburukiak). Larrarena da, halaber, El doncel de don Enrique el doliente eleberria.

Lanak

Obras Completas de D. Mariano José de Larra, Montaner y Simón, Bartzelona.
Macías: Drama historikoa.
El doncel de don Enrique el Doliente: Eleberri historikoa.

Kanpo loturak

Wikimedia Commonsen badira fitxategi gehiago, gai hau dutenak: Mariano José de Larra

Mariano José de Larrari buruzko artikulua ARGIA astekarian

Artikulu hau Madrilgo Erkidegoko biografia baten zirriborroa da. Wikipedia lagun dezakezu edukia osatuz.

Datuak: Q298773
Multimedia: Mariano José de Larra / Q298773

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.