Margarete Buber-Neumann

Margarete Buber-Neumann
	; Irudi gehiago
Bizitza
Jaiotzako izen-deiturak	Margarete Thüring
Jaiotza	Potsdam, 1901eko urriaren 21a
Herrialdea	Alemania
Heriotza	Frankfurt am Main, 1989ko azaroaren 6a (88 urte)
Hobiratze lekua	Frankfurteko hilerria
Familia
Bikotekidea(k)	ikusi Heinz Neumann (en) ;
Seme-alabak	ikusi Judith Buber Agassi; Barbara Goldschmidt (en) ;
Anai-arrebak	ikusi Babette Gross (en) ;
Hezkuntza
Hizkuntzak	alemana
Jarduerak
Jarduerak	idazlea eta kazetaria
Jasotako sariak	ikusi Commander's Cross of the Order of Merit of the Federal Republic of Germany (1980) ;
Sinesmenak eta ideologia
Alderdi politikoa	Alemaniako Alderdi Komunista; Alemaniako Alderdi Sozialdemokrata; Alemaniako Batasun Demokrata Kristaua

Margarete Buber-Neumann, jaiotza-izenez Margarete Gross (Potsdam, Alemania, 1901eko urriaren 21a - Frankfurt, Alemania, 1989ko azaroaren 6a), alemaniar idazlea izan zen.

Biografia

Gazte zela, Gazte Komunistekin bat egin zuen. Alemaniako Alderdi Komunistan (KPD) sartu zen, eta Heinz Neumann agintariaren neska-lagun bihurtu zen.

1930eko hamarraldiaren hasieran, Stalinek KPD alderdia bultzatu zuen, alderdi nazionalsozialistarekin harreman baketsuak izan zitzan; Neumann, ordea, joera horren kontrakoa zen, eta zituen karguetatik kendu, eta Moskun gelditu behar izan zuen. Ondoren, Espainiara bidali zuten.

Naziak aginpidera iritsi zirenean, Neumann senar-emazteen bizimodua larria izan zen: Heinz Zurichen atxilotu zuten 1934. urtearen amaieran, eta ondoren, Sobiet Batasunera bidali zuten; emazteak Havren egin zuen bat senarrarekin, eta 1935ean Leningradera joan ziren.

Moskun, bikotearen bizimodua arriskutsua zen oso. Senarra 1937an espetxeratu zuten, eta Margaretek ez zuen berriro senarra ikusi. Zalantzarik gabe, fusilatu egin zuten 1937an.

Margarete 1938an espetxeratu zuten, eta Karagandako esparrura bidali zuten. Ondoren, Ravensbrückeko esparru gogorrera (Alemania) bidali zuten; Milena Jesenská txekiar idazle eta Franz Kafkaren maitalearekin zuen adiskidetasunari esker, askatasuna lortu zuen, esparrua sobietarrek askatu baino lau egun lehenago.

1948an kontzentrazio-esparruetan izan zuen esperientzia argitaratu zuen Als Gefangene bei Stalin und Hitler (Stalinen eta Hitlerren preso) lanean. Lehenengo atala (Siberiara deportatua) Frantzian argitaratu zuen, 1949an, eta bigarrena (Ravensbrückera deportatua), 1988an.

1986an Milena argitaratu zuen, eta arrakasta handia izan zuen Frantzian; hala ere, hainbat lan idatzi zituen, argitaratu gabe gelditu zirenak.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q77490
Multimedia: Margarete Buber-Neumann / Q77490

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.