Marcel Mouloudji

Marcel Mouloudji
	; Irudi gehiago
Bizitza
Jaiotzako izen-deiturak	Marcel André Mouloudji
Jaiotza	Parisko 4. barrutia, 1922ko irailaren 16a
Herrialdea	Frantzia
Lehen hizkuntza	frantsesa
Heriotza	Neuilly-sur-Seine, 1994ko ekainaren 14a (71 urte)
Hobiratze lekua	Père Lachaise hilerria; Grave of Mouloudji (en)
Familia
Ezkontidea(k)	Louise Fouquet (1943 - 1969)
Bikotekidea(k)	ikusi Liliane Patrick (en) ;
Seme-alabak	ikusi Annabelle Mouloudji;
Hezkuntza
Hizkuntzak	frantsesa
Jarduerak
Jarduerak	zinema aktorea, abeslaria, egile abeslaria eta estudioko musikaria
Genero artistikoa	chansona
Musika instrumentua	ahotsa

Marcel Mouloudji (Paris, Frantzia, 1922ko irailaren 16a - ib., 1994ko ekainaren 14a) frantses abeslaria, idazlea eta antzezlea izan zen.

Biografia

Haurtzaroa txirotasunean igaro zuen. Kantari, antzezle, zinemagile, idazle eta margolari lanetan aritu zen. Jean-Louis Barraultek bere ikuskizun baterako hartu zuen. Mouloudjik La Fleur de l´âge (1991) lanean Barraulten giroan nola sartu zen kontatzen du, nola ezagutu zuen Octobre taldea, eta nola kontratatu zuen Dullin jaunak Atelier antzokirako.

Hainbat filmetan parte hartu zuen: Marcel Carnéren Jenny, Jacques Daroyren La Guerre des gosses ("Mutikoen gerra"), Christian-Jaquen Les Disparus de Saint-Agil ("Saint-Agil-eko desagertuak"), Henri Decoinen Les Inconnus dans la maison ("Ezezagunak etxean") eta abar. Mutiko gaiztoaren paperak egin zituen Justice est faite ("Justizia egina dago") edota Nous sommes tous des assassins ("Gu guztiok hiltzaileak gara") filmetan.

1950eko hamarralditik aurrera ez zuen zineman lanik egin. Okupazioaren garaian Sartre eta Beauvoir bisitatzen zituen, eta haiek idaztera bultzatu zuten. Eleberriak (Enrico, 1944, Pléiade Saria), antzerki-lanak (Quatre Femmes, 1947), eta poesia idatzi zituen. Lemarque, Cocteau, Prévert, Trenet, Queneau, Ferréren abestiak interpretatu zituen. 1953an Diskoaren Sari Nagusia lortu zuen. 1954an Boris Vianen Le Déserteur abestu zuen, baina berehala debekatu zuten. Aljeriako Gerraren kontra azaldu zen, eta 1968ko maiatzeko mugimenduaren alde.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q993521
Multimedia: Marcel Mouloudji / Q993521

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.