Manuel Teixeira Gomes

Manuel Teixeira Gomes (Portimão, 1860ko maiatzaren 27a - Bougie, Aljeria Frantsesa, 1941eko urriaren 18a) portugaldar politikari eta idazlea izan zen. Portugalgo 7. presidentea izan zen 1923tik 1925era.

Manuel Teixeira Gomes
Irudi gehiago
7. Portugalgo presidentea 1923ko urriaren 6a - 1925eko abenduaren 11 ← António José de Almeida - Bernardino Machado → enbaxadore
Bizitza
Jaiotza	Portimão, 1860ko maiatzaren 27a
Herrialdea	Portugal  Portugalgo Erresuma
Heriotza	Bejaia, 1941eko urriaren 18a (81 urte)
Hezkuntza
Heziketa	Coimbrako Unibertsitatea Portoko Unibertsitatea
Hizkuntzak	portugesa
Jarduerak
Jarduerak	politikaria, diplomazialaria eta idazlea
Jasotako sariak	ikusi Grand Cross of the Sash of the Three Orders Grand Cross of the Military Order of Saint James of the Sword
Sinesmenak eta ideologia
Erlijioa	katolizismoa
Alderdi politikoa	Democratic Party (en)

Gaztetan kulturarekiko interesa piztu zitzaion, eta Lisboako eta Portoko literatur zirkuluekin harremanetan jarri zen. Fruta esportatzeko enpresa familiarrean lan egin zuen eta Europa eta Ipar Afrikan bidaiatu ahal izan zuen.

Errepublikaren aldekoa izan zen eta 1911n enbaxadore izendatu zuten Londresen. 1918ko urtarrilean Portugalera itzuli zen eta Sidónio Pais diktadurak etxean atxilotzea ezarri zion. Diktaduraren erorketaren ondoren enbaxadore izendatu zuten Espainian (1919) eta berriro Londresen (1919-23). Portugalgo ordezkaritzako kide izan zen Parisko Bake Biltzarran.

1923an errepublikako presidente hautatu zuten. Bere agintaldian terrorismoari aurre egiten saiatu zen, eta erradikal eta militarren gutxienez lau matxinada zanpatu zituen. 1925ean dimisioa eman zuen eta bere borondatez erbesteratu zen Aljeria Frantsesan.