Antton Maiz

Antton Maiz
	;
Bizitza
Jaiotza	Arantza, 1951ko abuztuaren 24a (72 urte)
Herrialdea	Nafarroa Garaia, Euskal Herria
Hezkuntza
Hizkuntzak	gaztelania
Jarduerak
Jarduerak	esku huskako pilotaria
Pilota

Antton Maiz Bergara, pilota arloan Maiz II.a deituraz ezaguna (Arantza, Nafarroa Garaia, 1951ko abuztuaren 24a) esku huskako pilotari profesional ohia da. Atzelari jokatzen zuen. Debuteko partida 1975eko ekainaren 24an jokatu zuen Tolosako Beotibar pilotalekuan. 1995ean erretiratu zen, 44 urte zituela, Bilboko Deportivo pilotalekuan. Gorputz handiko jokalaria, indartsua, ondo mugitzen zen jokalekuan, behar zuen lekuan jartzen zen, eta oso pilota gutxi galtzen zuen. Izaeraz jatorra eta apala, bere aurrelaria asko animatzen zuen beti.

Retegi II.ak, Martinez de Irujok eta hirurek dute esku huskako binakako txapelketa nagusi gehien irabaztearen marka, bosna aldiz irabazi baitzuten. Maiz II.a izan zen marka hori lortu zuen lehena, 1978an, 1981ean, 1983an, 1984an eta 1993an irabazi baitzuen. Horrez gain, 1980an buruz buruko txapelketa nagusian txapeldunorde izan zen, eta 1976an bigarren mailako buruz burukoa irabazi zuen.

Erretiratu zenean Asegarcek (bere azken enpresak) intendente izateko kontratatu zuen. Hala ere, istripuz bi orno hezur hautsi zituen, eta lan egiteari utzi behar izan zion.

Lorpenak

Binakako finalak

Urtea	Txapeldunak	Txapeldunordeak	Emaitza	Pilotalekua
1978	Pierola II.a - Maiz II.a	Retegi I.a – Aldazabal II.a	22-14	Anoeta
1979	Bengoetxea III.a – Gorostiza	Pierola II.a - Maiz II.a	22-15	Anoeta
1980-81	Garcia Ariño IV.a - Maiz II.a	Bergara II.a – Martinikorena	22-13	Anoeta
1981-82	Beristain – Tolosa	Garcia Ariño IV.a - Maiz II.a	22-21	Anoeta
1982-83	Bengoetxea IV.a - Maiz II.a	Garcia Ariño IV.a – Gorostiza	22-11	Anoeta
1983-84	Bengoetxea IV.a - Maiz II.a	Oreja III.a – Aldeazabal II.a	22-18	Anoeta
1992-93	Alustiza - Maiz II.a	Titin III.a – Arretxe	22-20	Ogeta

Buruz buruko finalak

Urtea	Txapelduna	Txapeldunordea	Emaitza	Pilotalekua
1980	Retegi II.a	Maiz II.a	22-14	Anoeta

Kanpo estekak

A. BARANDIARAN: «Antton Maiz: "Ia denak txaloak izan dira"», Nafarkaria, 1995-03-03.
(Gaztelaniaz) «Antton Maiz Vergara», Auñamendi Eusko Entziklopedia.
(Gaztelaniaz) Biografia Pelota-mano-remonte.com

Datuak: Q6746356

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.