Maite Oronoz

Maite Oronoz Antxordoki (Hondarribia, Gipuzkoa) Euskal Herriko Unibertsitateko irakaslea da Informatika Fakultatean. EHUko Informatika Fakultateko dekanordea izan zen 2014tik 2017ra bitarte. Urteetan hizkuntza-teknologiako Langune enpresa-klusterrean ordezkaria izan da Ixa Taldearen izenean.[1]

Maite Oronoz

Bizitza
JaiotzaHondarribia, ?
Herrialdea Gipuzkoa, Euskal Herria
Hezkuntza
HeziketaEuskal Herriko Unibertsitatea
Tesi zuzendariaArantza Diaz de Ilarraza Sanchez
Koldo Gojenola
Doktorego ikaslea(k)Olatz Perez-de-Viñaspre
Xabier Soto
Jarduerak
Jarduerakinformatikaria eta unibertsitateko irakaslea
Enplegatzailea(k)Euskal Herriko Unibertsitatea
Jasotako sariak
KidetzaIxa taldea
Inguma: maite-oronoz-antxordoki

Ikerlaria
Ixa Taldean 2008an Hizkuntz irakaskuntza lantzen zuen azpitaldea

Hizkuntzaren prozesamenduaren arloan aritzen den Ixa Taldeko ikertzailea da. 1999an defenditu zuen doktorego-tesian euskarazko errore sintaktikoak detektatzeko eta zuzentzeko hainbat baliabide sortu zituen.[2] Testuetan idatzitako datak, postposizio-lokuzioak eta komunztadura sintaktikoak egiaztatzeko tresna informatikoak sortu zituen.[3][4] [5] Saroi tresna orokorra da, erroreen tratamendua egiteko ez ezik, analisi-zuhaitzetako egituren gaineko kontsultak egiteko eta zuhaitz horietan egitura linguistikoak bilatzeko balio duena.[6][7] EHUko, Eusko Jaurlaritzako, Madrileko Ministerioko eta Europar Batasuneko deialdietako hainbat ikerketa-proiektutan parte hartu du, eta ikerketaren arloko enpresekin eta zentroekin kontratuak ere izan ditu. Nazioarteko 60 bat argitalpen ditu aldizkari zein kongresutan, gutxienez.[8][9]

Osasungintza arloa eta hizkuntzaren prozesamenduarena uztartzeko ikerketan ari izan da geroago. Hasieran osasungintzako terminologia euskaraz lantzeko tresna informatikoak sortu ditu (Matxin-Med itzultzaile automatikoa esaterako, Matxin itzultzailea medikuntzaren domeinura egokituta), baita geroago anbulategietako osasun-txostenak euskaraz idatzi eta itzultzeko tresnak ere. Ikerlerro horretan zuzendu dio tesi-lana Olatz Perez de Viñaspreri. Lan horiei esker. eurek esaten zuten moduan, medikuei gero eta normalago egiten zaie “tengo rotura del tendón del músculo esplenio del cuello” esan ordez “lepoko esplenio giharraren tendoia hautsia dut” esatea.[10][11]

Difusioa informatikaz

Hainbat artikulu eta hitzaldi zabaldu ditu informatikari buruz, esaterako:

  • Informatika eta formazio transbertsala. [12]
  • Botiken aurkako erreakzioak osasun txostenetan identifikatzen.[13]

Sariak eta errekonozimenduak
  • 2011: Euskarazko Tesien II. Koldo Mitxelena Saria Ikasketa Teknikoen jakintza-arloan[14][15][14]
  • 2015: Oronozen ikaslea zen Olatz Perez de Viñasprek Ikergazte-Udalbiltza sari berezia (Euskal Herriko garapenari ekarpen garrantzitsuena egiten diona): “Osasun-txosten elebidunak posible ote?” lanarekin.[7][11][12]
  • 2019: Oronozen ikaslea zen Olatz Perez de Viñasprek Euskarazko Tesien VI. Koldo Mitxelena Saria Ikasketa Teknikoen jakintza-arloan[20][21]
  • 2019: “Yearbook of Medical Informatics” aldizkariak Testu Klinikoen Prozesamenduaz 2017an argitaratutako 3 argitalpen onenen artean aukeratu zuten Oronozen “Semi-supervised medical entity recognition: A study on Spanish and Swedish clinical corpora” artikulua, hau da: Semi-gainbegiratutako entitate medikoen antzematea: espainieraz eta suedierazko corpus klinikoen gaineko azterketa bat. EHUko Ixa taldea eta Suediako Stockholm-eko Unibertsitatearen artean idatzitakoa.[16][17][18]
Euskarazko tesitarako 2011ko Koldo Mitxelena sariak

Erreferentziak
  1. «RSS jarioak — Langune» www.langune.com (Noiz kontsultatua: 2019-02-27).
  2. Oronoz Antxordoki, Maite. «Euskarazko errore sintaktikoak detektatzeko eta zuzentzeko baliabideen garapena: datak, postposizio-lokuzioak eta komunztadura» (PDF) Tesiker, Euskarazko doktorego-tesiak (Noiz kontsultatua: 2019-12-13).
  3. Oronoz Anchordoqui, Maite. (2009). «Maite Oronoz Anchordoquiren tesiaren laburpena» Uztaro: giza eta gizarte-zientzien aldizkaria (Uztaro 71): 123–124. ISSN 1130-5738. (Noiz kontsultatua: 2019-02-27).
  4. Oronoz, Maite. (PDF) Euskarazko errore sintaktikoak detektatzeko eta zuzentzeko baliabideen garapena: datak, postposizio-lokuzioak eta komunztadura. (Noiz kontsultatua: 2019-02-27).
  5. Oronoz Antxordoki, Maite. (2009). «Euskarazko errore sintaktikoak detektatzeko eta zuzentzeko baliabideen garapena: datak, postposizio-lokuzioak eta komunztadura» www.educacion.gob.es (UPV/EHU) (Noiz kontsultatua: 2019-02-27).
  6. Saroi: Errore sintaktikoak detektatzeko sistema – Hizkuntza-teknologiak. (Noiz kontsultatua: 2019-02-27).
  7. «Euskarazko errore sintaktikoak detektatzen» sustatu.eus (Noiz kontsultatua: 2019-02-27).
  8. Maite Oronoz Google Scholar Citations webgunean.
  9. Maite Oronozen argitalpenak Ixa Taldearen webgunean.
  10. Osasuna eta hizkuntza (Bilbo hiria Irratia, 2017/06/27) – Hizkuntza-teknologiak. (Noiz kontsultatua: 2019-02-27).
  11. Tesia: Euskarazko osasun-terminoen sorkuntza automatikoa (Olatz Perez de Viñaspre, 2017-06-19) – Hizkuntza-teknologiak. (Noiz kontsultatua: 2019-02-27).
  12. Oronoz, Maite. (2018). «Informatika eta formazio transbertsala» GAUR8 (Noiz kontsultatua: 2019-02-27).
  13. Oronoz, Maite. (). «Botiken aurkako erreakzioak osasun txostenetan identifikatzen» GAUR8 (Noiz kontsultatua: 2019-02-27).
  14. «Euskarazko Tesien II. Koldo Mitxelena Sariak banatu dira» www.euskaltzaindia.eus (Euskaltzaindia) (Noiz kontsultatua: 2019-02-27).
  15. Maite Oronoz eta Larraitz Uria punta-puntan Mitxelena tesi-sarian – Hizkuntza-teknologiak. (Noiz kontsultatua: 2019-02-27).
  16. Névéol, Aurélie; Zweigenbaum, Pierre. (2018-08). «Expanding the Diversity of Texts and Applications: Findings from the Section on Clinical Natural Language Processing of the International Medical Informatics Association Yearbook» Yearbook of Medical Informatics 27 (01): 193–198.  doi:10.1055/s-0038-1667080. ISSN 0943-4747. (Noiz kontsultatua: 2019-07-02).
  17. Ixa Taldearena da Testu Klinikoen Prozesamenduaz 2017ko 3 artikulu onenetako bat – Hizkuntza-teknologiak. (Noiz kontsultatua: 2019-07-02).
  18. Pérez, Alicia; Weegar, Rebecka; Casillas, Arantza; Gojenola, Koldo; Oronoz, Maite; Dalianis, Hercules. (2017-07-01). «Semi-supervised medical entity recognition: A study on Spanish and Swedish clinical corpora» Journal of Biomedical Informatics 71: 16–30.  doi:10.1016/j.jbi.2017.05.009. ISSN 1532-0464. (Noiz kontsultatua: 2019-07-02).

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.