Maite Albiz

Maite Albiz (1955-2009) kazetaria, dokumentalista eta euskal mugimendu feministako ekintzaile aitzindarietako bat izan zen, Bilboko Emakumeen Dokumentazio Zentroaren sortzaile eta kudeatzaile izandakoa, 2010ean, bere omenez, bere izena hartuko zuena.[1][2]

Maite Albiz

Bizitza
Jaiotza1955
Herrialdea Bizkaia
Heriotza2009 (53/54 urte)
Hezkuntza
Hizkuntzakgaztelania
Jarduerak
Jarduerakkazetaria
Enplegatzailea(k)El País

Ibilbidea

Kazetaritza ikasi eta El Paísen lan egin zuen. [3] Aktibista feminista, Bizkaiko Emakumeen Asanbladako militantea, emakumeen ekarpenen memoria biltzearen garrantziak bultzatu zuen 1982tik aurrera, euskal feminista aitzindari talde batekin batera, zeukaten dokumentazio bilgune bat sortzera, hasiera batean sukalde batean. Haisera batean Bizkaiko Emakumeen Asanbladako lan-batzordeak dokumentatzeko balio zuen artxibategia, gero liburutegi bihurtu zen, dokumentazio publikoko zentro. Maite Albiz izan zen lehen dokumentalista eta bilakaera prozesua gidatu zuena.[4] 1993ko urrian hasi ziren Bilboko Udalarekin lankidetzan irabazi-asmorik gabeko elkarte horren helburua sustatzen jarraitu ahal izateko, hots, gizartearen ikuspegi ez-sexista duten kultura-adierazpenak zabaltzea, emakumeen asoziazionismoa bultzatzea eta emakumeei eta aukera-berdintasunari buruzko gaietan espezializatutako atalak sustatzea, material bibliografiko, ikus-entzunezko eta aldizkari espezializatuekin.[5][6]

Albizek Madrilgo 1993ko Juntas y a por Todas Estatuko Jardunaldi feministetan, tailer bat antolatu zuen emakumeei buruzko dokumentu-funtsak kudeatzeko moduari buruz jarduteko eta lan ildo beretik ari zirenekin kontaktuan jartzeko. Bertan bildu ziren koordinaziorako premia bera ikusten zuten profesional asko, beste zentro batzuetan, beste liburutegi batzuetan zer egiten zen jakiteko. Hurrengo urtean Emakumeen Dokumentazio Zentroen eta Liburutegien lehen Topaketa egitea erabaki zuten, Iruñeko IPES Elkartearen Emakumearen Liburutegiak antolatuta. 1995ean hasi zen martxan Emakumeen Dokumentazio Zentroen eta Liburutegien Sarea (Red de Centros de Documentación y Bibliotecas de Mujeres), emakume eta generoan espezializatutako zentroen arteko komunikazio- eta lankidetza-kanal bat izateko asmoz sortua.[1]

Sariak eta errekonozimenduak
  • 2017an Gu Geu. Mujeres en la cultura crítica proiektuak (Bilboko Louise Michel Liburuak-ek, Santanderko (Kantabria) "la Vorágine" liburu-dendak eta "Maite Albiz" Emakumeen Dokumentazio Zentroak elkarlanean), Bilbon eta Santanderren kultura kritiko bat finkatzen aktiboki parte hartu duten emakumeen hautaketan sartu zuen.[7][8]

Erreferentziak
  1. Nistal, Beatriz. (2020). «La feminización de la profesión bibliotecaria» Desiderata (14): 113–118. ISSN 2445-0650. (Noiz kontsultatua: 2020-10-01).
  2. (Gaztelaniaz) «Ocho mujeres que nunca se conformaron» El Correo 2017-02-20 (Noiz kontsultatua: 2020-10-01).
  3. (Gaztelaniaz) PAÍS, Ediciones EL. «Artículos escritos por Maite Albiz» EL PAÍS (Noiz kontsultatua: 2020-10-01).
  4. «Bilbao.eus, Udalaren Argitalpenak, Bilbao Aldizkaria, 11.- María José Sola, bibliotecaria del Centro de Documentación de Mujeres Maite Albiz:» www.bilbao.eus (Noiz kontsultatua: 2020-10-01).
  5. «Bilbao.eus, InfoBilbao, BILBOKO UDALAK LANKIDETZA-HITZARMENA BERRITU DU MAITE ALBIZ EMAKUMEEN DOKUMENTAZIO ZENTROAREKIN» www.bilbao.eus (Noiz kontsultatua: 2020-10-01).
  6. «Conócenos | EMAKUMEAK» emakumeak.org (Noiz kontsultatua: 2020-10-01).
  7. (Gaztelaniaz) Etxea, Ecuador. (2017-02-22). «Presentación proyecto Gu geu. Mujeres en la cultura crítica» Ecuador Etxea (Noiz kontsultatua: 2020-10-01).
  8. Nosotras: mujeres en la cultura crítica = Gu geu : emakumeak kultura kritikoan. (1go argit. argitaraldia) La Vorágine, etc 2017 ISBN 978-84-944452-7-9. PMC 1122974814. (Noiz kontsultatua: 2020-10-01).

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.