Maia Duguine

Maia Duguine (Hazparne, 1979) sintaxian espezializatutako euskalaria da, eta bereziki gramatika ikertzen nabarmendu da. Baionako IKER UMR5478ren ikerketa-taldeko kidea da.[1]

Maia Duguine

Bizitza
JaiotzaHazparne, 1979 (44/45 urte)
Herrialdea Lapurdi, Euskal Herria
Hezkuntza
Tesi zuzendariaRicardo Etxepare Igiñiz
Myriam Uribe-Etxebarria
Hamida Demirdache
Hizkuntzakeuskara
frantsesa
ingelesa
gaztelania
Jarduerak
Jarduerakikertzailea
Enplegatzailea(k)Bordele Montaigne Unibertsitatea  (2009 -  2011)
Euskal Herriko Unibertsitatea  (2011 -  2014)
Cambridgeko Unibertsitatea  (2014 -  2015)
Euskal Herriko Unibertsitatea  (2015 -  2017)
IKER ikerketa-zentroa  (2017 -
Inguma: maia-duguine

Ikasketak

Hizkuntzalaritza ikasi zuen Bordeleko Montaigne Unibertsitatean, eta ondotik Euskal Ikasketetan Masterra (orduko DEA) Baionan. Gero Gasteizen UPV/EHUko Hizkuntzalaritza programan Masterra/DEA egin zuen (2006), eta tesia 2013n.

2014an Cambridgeko Unibertsitatean aritu zen doktorego-ondoko ikertzaile gisa. Ondoren, 2015ean irakasle postu bat lortu zuen Gasteizko Letren Fakultatean, eta azkenik CNRS ikertzaile postu bat Baionako IKER taldean 2017an.

Ikertzailea hizkuntzalaritzan

Sintaxia eta gramatika dira bere ikergai nagusiak. Hizkuntzaren egitura aztertzen du, eta bereziki interesatzen zaizkio hizkuntz aldakortasuna eta honen mugak, eta sintaxiak esanahiarekin eta gauzatze fonologikoarekin dituen harremanak.[1]

Doktere-tesian argumentu isilak aztertu zituen, hau izan zen izenburua: Arte eta Humanitateak arloko sari berezia jaso zuen UPV/EHUn, "Argumentu isilak eta hizkuntza-aldaketa: pro-drop-en azterketa minimalista. /Null Arguments and Linguistic Variation: A Minimalist Analysis of Pro-Drop." Zuzendariak Nanteseko Unibertsitateko Hamida Demirdache, IKER taldeko Ricardo Etxepare eta UPV/EHUko Myriam Uribe-Etxebarria irakasleak izan ziren.[2]

Geroago hitz-ordenako gaiak ikertzen ditu: menderakuntza, galde-egiturak, eta ezeztapena. Euskararen diakronia ere aztertzen du, historian zehar hitz-ordenan gertatu diren aldaketak. Ikertzen ditudan beste gaien artean daude: anafora eta perpaus jokatugabeak.

Argitalpenak

Hainbat artikulu akademikoz gain, liburu hauek idatzi edo editatu ditu:

  • Argumentu isilak eta hizkuntz aldakortasuna [Null arguments and linguistic variation]. Donostia: Udako Euskal Unibertsitatea [296 p.], ISBN 978-84-8438-329-1. 2010
  • Euskaldun orok altxa burua. Enquêtes sociolinguistiques en Garazi 1982, 2002. Donostia: Eusko Ikaskuntza [229 p.], ISBN 84-8419-889-8. Editorea Jacques Aurnague-rekin 2005
  • Argument Structure and Syntactic Relations: A Cross-Linguistic Perspective, Amsterdam: J. Benjamins [349 p.], ISBN 978-90-2725541-9. Editorea Susana Huidobro eta Nerea Madariaga-rekin. 2010

Artikulu akademikoen artean euskarazko hauek daude:

  • Argumentu isilen tipologia bateratu baten aldeko zenbait argudio. LAPURDUM, 2016.[3]
  • Hutsune bizkarroiak eta sasi-A’-kateak. LAPURDUM 2013.[4]
  • Hazparneko euskaraz bi hitz. Euskera, [5]

Erreferentziak
  1. «Maia Duguine: “Nazioarteko ikerketak euskaraz badaki; ez da soilik lelo indartsua”» www.ueu.eus (UEU) (Noiz kontsultatua: 2023-05-22).
  2. Duguine, Maia. (2021). Maia Duguine CNRS-IKER UMR 5478. Short CV (2021/04). Uinibasq.
  3. Duguine, Maia. (2016-01-01). «Argumentu isilen tipologia bateratu baten aldeko zenbait argudio» Lapurdum. Euskal ikerketen aldizkaria | Revue d'études basques | Revista de estudios vascos | Basque studies review (19): 219–229.  doi:10.4000/lapurdum.3338. ISSN 1273-3830. (Noiz kontsultatua: 2023-05-18).
  4. Duguine, Maia. (2013-10-01). «Hutsune bizkarroiak eta sasi-A’-kateak» Lapurdum. Euskal ikerketen aldizkaria | Revue d'études basques | Revista de estudios vascos | Basque studies review (17): 55–74.  doi:10.4000/lapurdum.2411. ISSN 1273-3830. (Noiz kontsultatua: 2023-05-18).
  5. Duguine, Maia. (2009). Hazparneko euskaraz bi hitz.. Euskera - Euskaltzaindia.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.