Gustav Mahler

Gustav Mahler
	; (1907) Irudi gehiago
Bizitza
Jaiotza	Kaliště, 1860ko uztailaren 7a
Herrialdea	Austriar Inperioa ; Cisleithania
Talde etnikoa	Juduak
Heriotza	Viena, 1911ko maiatzaren 18a (50 urte)
Hobiratze lekua	Grinzing Cemetery (en)
Heriotza modua	berezko heriotza: endokarditisa; septizemia
Familia
Aita	Bernhard Mahler
Ama	Marie Herrmann
Ezkontidea(k)	Alma Mahler (1902 - 1911)
Seme-alabak	ikusi Anna Mahler (en) ; Maria Anna Mahler (en) ;
Hezkuntza
Heziketa	Vienako Unibertsitatea ; University of Music and Performing Arts Vienna (en)
Hizkuntzak	alemana
Ikaslea(k)	ikusi Anna von Mildenburg (en) ;
Jarduerak
Jarduerak	orkestra zuzendaria, musikagilea eta classical composer (en)
Lan nabarmenak	ikusi Symphony No. 1 (en) ; Symphony No. 8 (en) ; Symphony No. 2 (en) ; Symphony No. 5 (en) ;
Genero artistikoa	musika klasikoa; sinfonia; ganbera-musika
	gustav-mahler.org

Gustav Mahler (Kaliště, gaurko Txekia, 1860ko uztailaren 7a – Viena, 1911ko maiatzaren 18a) musikagile austriarra izan zen, Erromantizismo osteko garaikoa. Orkestra zuzendaria ere izan zen.

Lanik ezagunenak Lieder eines fahrenden Gesellen ("Bidaiariaren abestiak"), Kindertotenlieder ("Umeen heriotzazko abestiak") eta Das Lied von der Erde ("Lurraren abestia").

Bizitza

Vienako kontserbatorioan egin zituen ikasketak eta ondoren filosofia eta musikaren historia ikasi zuen unibertsitatean. Anton Bruckner ezagutu eta haren ikasle eta lagun izan zen. 1880an Das klagende Lied (Arrenkurazko kanta) kantata ondu zuen. Musika zuzendari gisa garrantzi handiko karguak izan zituen, Kasselen (1883), Pragan (1885) eta Leipzigen (1886). 1888an Budapesteko Operako zuzendaria izan zen, 1891n Hanburgokoa eta 1897an Vienako Operakoa eta Orkestra Sinfonikokoa. 1907. urtean Kindertotenlieder (Haur hildakoen kantuak) idatzi zituen, alaba hil berriaren oroimenez. Aldi batez Vienako postua utzi eta New Yorkeko Metropolitan Opera izenekoan zuzendari lanetan ibili zen arrakasta handiz. Bihotzeko gaixotasunak jota, Vienara itzuli eta han hil zen.

Aipatutakoez gainera, Mahler-en lan nagusiak dira, besteak beste: Lieder eins fahrenden Gesellen (1883-1885, Lagun ibiltari batentzako kantuak), Des Knaben Wunderhorn (1892, 1895, 1905, Mutikoaren adar miragarria), Das Lied von der Erde, (1908, Lurraren Kantua), bederatzi sinfonia (1888-1909) eta hamargarrena osatugabea (1910).

Mahler-ek erromantizismoaren joera desberdinak elkartu zituen. XIX. eta XX. mendeen arteko zubitzat jotzen da, Wagner-en eta Schönberg-en artekotzat, alegia, eta espresionismoaren atarian dago. XX. mendeko konposizio tekniken aitzindari ospetsua izan zen. Eragin handia izan zuen Arnold Schoenberg, Dmitri Xostakovitx eta Benjamin Brittenengan.

Lanen zerrenda

10 sinfonia idatzi zituen, azkena amaitu gabekoa.
Lieder edo abestiak:
- Das klagende Lied, 1880.
- Drei Lieder, (1880).
- Lieder und Gesänge, 1880–1890.
- Lieder eines fahrenden Gesellen, (1883–1885).
- Gesänge aus "Des Knaben Wunderhorn, 1888–1896.
- Rückert Lieder, 1901–1902.
- Kindertotenlieder, 1901–1904.
- Das Lied von der Erde, 1908–1909.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Ikus, gainera

Musika klasikoa

Kanpo loturak

Datuak: Q7304
Multimedia: Gustav Mahler / Q7304

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.