Lyndon Baines Johnson

Lyndon Baines Johnson
	Irudi gehiago
; 36. Ameriketako Estatu Batuetako Presidentea
; 37. Ameriketako Estatu Batuetako Presidenteordea
; Ameriketako Estatu Batuetako senataria
; Ameriketako Estatu Batuetako senataria
; Ameriketako Estatu Batuetako senataria
; Ameriketako Estatu Batuetako senataria
; Ameriketako Estatu Batuetako senataria
; Ameriketako Estatu Batuetako senataria
Ameriketako Estatu Batuetako Ordezkarien Ganberako kidea
Bizitza
Jaiotzako izen-deiturak	Lyndon Baines Johnson
Jaiotza	Stonewall (Texas), 1908ko abuztuaren 27a
Herrialdea	Ameriketako Estatu Batuak
Bizilekua	Kennedy-Warren Apartment Building (en) ; Etxe Zuria
Lehen hizkuntza	ingelesa
Heriotza	Stonewall (Texas), 1973ko urtarrilaren 22a (64 urte)
Hobiratze lekua	grave of Lyndon B. Johnson (en)
Heriotza modua	berezko heriotza: acute myocardial infarction (en)
Familia
Aita	Samuel Ealy Johnson
Ama	Rebekah Baines Johnson
Ezkontidea(k)	Lady Bird Johnson (1934ko azaroaren 17a - 1973ko urtarrilaren 22a)
Seme-alabak	ikusi Lynda Bird Johnson Robb (en) ; Luci Baines Johnson (en) ;
Anai-arrebak	ikusi Sam Houston Johnson (en) ;
Hezkuntza
Heziketa	Texas State University (en) 1930) ; Georgetown University Law Center (en) ; Junction School
Hizkuntzak	ingelesa
Jarduerak
Jarduerak	politikaria, irakaslea, abeltzaina eta estatu-politikaria
Lateralitatea	eskuina
Altuera	192 zentimetro
Lantokia(k)	Washington
Jasotako sariak	ikusi Askatasunaren Domina Presidentziala ; Zilarrezko Izarra ; Lasker-Bloomberg Public Service Award (1965) ; honorary doctor of the Florida Atlantic University (1964) ; American Campaign Medal ; Asiatic-Pacific Campaign Medal ; World War II Victory Medal ;
Kidetza	American Legion (en) ; Veterans of Foreign Wars (en)
Zerbitzu militarra
Adar militarra	Ameriketako Estatu Batuetako Itsas Armada
Gradua	lieutenant commander (en)
Parte hartutako gatazkak	Vietnamgo Gerra; Bigarren Mundu Gerra; Salamaua–Lae campaign (en) ; Invasion of Salamaua–Lae (en)
Sinesmenak eta ideologia
Erlijioa	Christian Church (Disciples of Christ) (en) ; Restorationism (en)
Alderdi politikoa	Ameriketako Estatu Batuetako Alderdi Demokrata

Lyndon Baines Johnson (Stonewall, Texas, 1908ko abuztuaren 27 - Stonewall, 1973ko urtarrilaren 22) estatubatuar politikaria izan zen. Ameriketako Estatu Batuetako 36. presidentea izan zen 1963–1969 bitartean. Eskubide zibilen arloan aurrerapauso sendoak eman bazituen ere, Vietnamgo Gerrak ilundu zuen haren agintaldia.

Bizitza

1949-1961 bitartean, Texasko senataria izan zen. 1961ean, John F. Kennedyren lehendakaritza garaian, lehendakariorde bilakatu zen. 1963an, Kennedyren hilketaren ostean, presidentetza hartu zuen; Alderdi Demokrataren ildo politikoari jarraiki, Gizarte Handia (ingelesez: The Great Society) izeneko programa abian jarri zuen. 1964an berriro hautatu zuten presidente, horretara Daisy iragarki politiko ezagunak hauspotuta. Aldiz, haren ospea bueltarik gabe amildu zen 1966tik aurrera, alderdi barneko tirabirak zirela-eta.

Eskubide zibilak, osasun eta hezkuntza zerbitzuak, eta pobreziaren kontrako gerra bultzatu zituen; baina ezin izan zuen Gizarte Handia proiektua bururatu, arazo latzei aurre egin behar izan zielako, arrazismoari eta Vietnamgo Gerrari batez ere[1]. Izan ere, Estatu Batuek gerra hartan zuten esku hartzea areagotzearen aldeko joera erakutsi zuen behin eta berriro: 1963an, AEBek 16.000 soldadu zituen Vietnamen, eta 550.000 1968ko hasieran. Horietako 1.000 inguru hiltzen ziren hilean. 1968ko hauteskundeetara ez aurkeztea erabaki zuen.

Gizarte Handia hitzaldia

	Wikitekan bada UEUren liburu batetik ateratako testu zatia: Lyndon B. Johnson-en hitzaldia
Liburu osoa: Gaur egungo munduaren historia, 1945-2009

«

Guztien oparotasunean eta askatasunean oinarritzen da Gizarte Handia; pobrezia eta arrazakeria desagertzea eskatzen du; erabatekoa izan behar da hori guztia lortzeko gure konpromisoa, eta hasi baino ez gara egin.

Gizarte Handiaren esparruan, ume guztiek aurkituko dituzte beren burua aberasteko eta talentuak hobetzeko ezagutzak. Esparru horretan, eraikitzeko eta gogoetan aritzeko aukeratzat hartzen da aisia; ez aspertu egonezinak sorraraziko dituen iturri beldurgarritzat. Esparru horretan, hiriak ez dira izango oinarrizko premiak asetzeko eta merkataritzaren eskakizunei erantzuteko soilik; edertasuna ere hor bilatuko da eta elkartzeko egarria hor aseko da.

Naturarekiko harremana berritu ahal izango du gizakiak esparru horretan; omenaldia egingo zaio kreazioari bere izaeragatik eta gizakia ulertzen laguntzeagatik. Esparru horretan, beren helburuen kalitatea lehenetsiko dute gizakiek, dituzten ondasunen kantitatearen gainetik.

»

—[2]. Testu osoa irakurtzeko Wikisourcen duzu eskuragarri

Erreferentziak

Lur entziklopedietatik hartua.
Martínez Rueda, Fernando; Aizpuru Murua, Mikel. (2011). Gaur egungo munduaren historia, 1945-2009. Udako Euskal Unibertsitatea ISBN 9788484383345..

Kanpo estekak

Datuak: Q9640
Multimedia: Lyndon B. Johnson / Q9640

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Lur entziklopedietatik hartua.

[2] Martínez Rueda, Fernando; Aizpuru Murua, Mikel. (2011). Gaur egungo munduaren historia, 1945-2009. Udako Euskal Unibertsitatea ISBN 9788484383345..