Lutxana-Irauregi burdinbidea

Cadaguako trenbidea Zorrotza eta Balmaseda artean (trenbideari izena eman zion Cadagua ibaiaren arroan) 1888tik 1893raino izandako trenbide estuko burdinbidea izan zen, gero Santander-Bilbo trenbidearen zati bat bilakatuko zena.[1]

Historia

Cadagua ibaiaren arroan trenbidea eraikitzeko proiektua Victor Txabarri, Manuel Allendesalazar, Enrique Aresti eta Ramon Bergék 1888ko maiatzean Espainiako Kongresuan aurkeztu zuten. Urte bereko uztailean onartu zuten. 99 urterako herri-onura izendaturiko trenbidea ustiatzeko Compañía del Ferrocarril del Cadagua izeneko konpainia 1888ko uztailaren 2an eratu zuten. Bidearen jatorria egun Bilboko Renfe Aldirietako C-1 trenbidea den eta orduan Bilbo-Portugalete trenbidea zenaren Zorrotzako geltokian kokatu zuten.

Trenbidea 1890eko abenduaren 5ean ireki eta urtero 96.000 bidaiari aurrekusten bazituzten ere, lau urte geroago 219.504 bidaiarik erabiltzen zuten[2].

1893ko uztailaren 28an, Victor Txabarrik Zalla eta Solares arteko trenbidearen emakida lortu eta Orejo-Aranguren lotura egin ondoren, Santander-Solares trenbidearekin batu zuen trenbidea. Horretarako Compañía del Ferrocarril de Santander a Bilbao izeneko konpainia sortu zuen.

Gaur egun Renfe Fevek ustiatzen du ibilbidea.

Ezaugarri teknikoak
Data Ibilbidea Luzera (km)
1890eko abenduaren 5a Zorrotza-Balmaseda 27,0

Tren makinak
Klasea Fabrikatzailea Lantegi-zbk. Urtea Pisua (Tm.)
220 T Sharp-Stewart, Manchester 3583-3584 1890 ?
030 T Hunslet Engine Co., Leeds 538 1891 ?
030 T Hanomag 1572 1883 15,0

Erreferentziak
  1. Novo López, Pedro A.. (2004). El Ferrocarril de Bilbao a Santander. in: Historia de los Ferrocarriles de Vía Estrecha en España. Madril: Fundación de los Ferrocarriles Españoles ISBN 84-88675-98-4..
  2. Ferropedia. Compañía del Ferrocarril del Cadagua. .

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.