Lur Korta Redin

Lur Korta Redin (Oiartzun,[1] Gipuzkoa, 1978ko urriaren 24a) ipuin kontalaria, aktorea eta antzerki irakaslea da.

Lur Korta Redin

Bizitza
JaiotzaOiartzun, 1978ko urriaren 24a (45 urte)
Herrialdea Gipuzkoa, Euskal Herria
Hezkuntza
HeziketaNafarroako Antzerki Eskola
Hizkuntzakeuskara
gaztelania
Jarduerak
Jarduerakaktorea eta irakaslea
Facebook: lur.kortaredin Edit the value on Wikidata

Biografia

Arte Dramatikoko ikasketak egin zituen Nafarroako Antzerki Eskolan eta antzerkilari bezala lan egin izan du, Trokolo, Bele bizi, Ditirambo, Pai eta Txalo antzerki-taldeekin, besteak beste.1999. urtean ipuin-kontalari gisa hasi zen lanean. Ordudanik, bere maletatxoa ideiez, objektuz, panpinez, eta abarrez bete eta herriz herri ibiltzen da haur eta gazteei bere ipuinak eta istorioak kontatzen (liburutegietan, kultur-etxeetan, ikastoletan, ludoteketan, gaztetxeetan…). Bakarka nahiz taldean kontatu ohi ditu ipuinak. 2005etik aurrera, Galtzagorri Elkartearekin ipuin-saioak eta irakurketa klubak egiten ditu hainbat udal liburutegitan. Donostiako Ipuinaren Orduko ipuin-saioen koordinatzailea ere bada.

Ipuin-saioak

Hauexek dira eskaini izan dituen saioetariko batzuk:[2]

Bakarlanean
  • Aurorita beti polita
  • Ipuinekin jolasean
  • Otsoz otso
  • 2005ean Oiartzunen egin zen Kilometroak jaiaren bideoan, saritutako ipuin bat kontatu zuen.

Talde lanean
  • Galdutako ipuinaren bila (Izaskun Mujikarekin)
  • Bidaian (Izaskun Mujikarekin)
  • Gaztainak erre artian (Amanda Usanos gaztaina saltzailearekin)
  • Kontuz Kontalariarekin (Nafarroako antzerki eskola)
  • Donostiako ipuinaren ordua

Herritar aitortza

"Oiartzuar emakumeak udalekuetan" egitasmoaren barruan, bere izena eraman zuen haur talde batek 2018an.[3]

Erreferentziak
  1. «Ipuin kontaketen ikasturte berria hasiko da gaur» El Diario Vasco 2012-09-27 (Noiz kontsultatua: 2021-10-24).
  2. «Ipuin kontalariak - Galtzagorri Elkartea» web.archive.org 2016-08-06 (Noiz kontsultatua: 2021-10-24).
  3. (Ingelesez) «Oiartzun urtekaria 2019 by Oiartzungo Udala - Issuu» issuu.com 2019-09-11 (Noiz kontsultatua: 2023-08-02).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.