Luján Argüelles

Karrera profesionala 19 urterekin hasi zuen, Historia eta pianoa ikasten ari zela. Vetusta Irratian lan egin ondoren, Madrilera joan zen eta Onda Ceron fitxatu zuen. 2001etik aurrera, irratiko lana eta telebistaren mundua uztartu zituen, eta Madrileko Canal 7an hasi zuen ibilbidea. 2001eko maiatzaren 3tik ekainaren 29ra E-Misión Glamourosa programa aurkeztu zuen.[3]

2002an, Antena 3en fitxatu zuen, eta hainbat programatan kazetari lan egin zuen. Une hartan, haren izena ezaguna zen ikus-entzuleentzat, eta TeleAsturias-eko udako La orilla eta RTPA-ko Asturias en saioarekin uztartu zuen.

2008an etapa berri bati ekin zion Cuatron. Urtebete geroago, 4 urteko kate-kontratua sinatu zuen kate horrekin berarekin. Etapa horretan, besteak beste, Password eta Lo que diga la rubia saioen buru izan zen.

2010ean, Sogecuatro eta Gestevisión Telecincok bat egin zuten. Halaxe sortu zen Mediaset España taldea, eta Luján Argüellesek berritu egin zuen Cuatrorekin 2014. urtean zuen iraupen luzeko kontratua.

Etapa horretan, zenbait lehiaketatan buru izan zen, baina hainbat dating show-tan izan zuen 'celestina' rolak eman zion ospea. Ia urtebete taldean proiektu berririk egin gabe egon ondoren, 2018ko apirilean iragarri zen Mediaset Españarekin zuen kontratua ez zela berritu, Cuatron 10 urte eta taldean 8 urte egin ondoren. Taldean egindako lanarekin batera, EFE agentziarako irrati-saio bat aurkeztu zuen.

Aurkezle gisa Mediaset Españarekin zuen kontratua berritu ez zuen arren, komunikazio-taldeari lotuta jarraitu zuen; lehenengo, El programa de Ana Rosa Telecinco-n, eta, ondoren, Cuatro katean, Cuatro al día arratsaldeko saioan.[4]

Aldi berean, Telemadrid-en fitxa egin zuen, eta 2018ko irailetik 2020ra bitartean, La baskula aurkeztu zuen. 2019tik aurrera, Está pasando saioan parte hartu zuen. Aurkezlea ez zegoenean, berak aurkezten zuen. Etapa horretan, EFE Agentziaren irratsaioaren buru izaten jarraitu zuen.

2020ko abenduan -(Telemadridekin eta EFEren irratiarekin hartutako konpromisoak alde batera utzi gabe)- La Sexta katean Divididos lehiaketa aurkeztu zuen.[5]

2022an Luján Argüellesek proiektu bat izan zuen Netflix-en, ‘A quién le gusta mi follower’ izenekoa. Dating show bat izan zen; beraz, berriro ere maitasunaren bila dabilen programa bateko zeremonia-irakaslea izan zen, "Quién quiere casarse con mi hijo?" saio arrakastatsuaren ondoren.[4]

2023ko urtarrilean jakin zen Luján Argüellesek 'Brigada Tech' gidatuko zuela TVEn, eta 'Password' aurkeztea eragotziko ziola.[2]

2023ko udan ¡Vaya vacaciones! izeneko telerrealitate saioa gidatu zuen Telecinco katean. 8 bikote ospetsu Dominikar Errepublikara joan ziren uda zoragarri bat pasatuko zutelakoan, baina ez zen horrela izan.[6] ¿Quien quiere casarse con mi hijo? (2012-2017) urte askoan emitittu gabe egon ondoren, aurkezten jarraitu zuen.[6]

• Cenicienta llevaba tacones de 15 cm/ Errauskinek 15 cm-ko takoiak zituen. Argitaletxea: Martínez Roca. 2014. urtea. Orrialdeak: 288. ISBN 9788427041042

• 2009ko aurkezle onenaren Urrezko Antena, Password eta Granjero busca esposa saioetan egindako lanarengatik.
• 2011ko aurkezle hoberenaren Zapping saria, Dame una pista eta Granjero busca esposa saioetan egindako lanarengatik.