Luis Paret y Alcázar

Luis Paret y Alcázar
	; Irudi gehiago
ganberako margolari	;
ganberako margolari
Bizitza
Jaiotza	Madril, 1746ko otsailaren 11
Herrialdea	Espainia
Heriotza	Madril, 1799ko otsailaren 14a (53 urte)
Hezkuntza
Heziketa	San Fernandoko Arte Ederren Errege Akademia
Hizkuntzak	gaztelania
Irakaslea(k)	Bartolomé de San Antonio (en)
Jarduerak
Jarduerak	margolaria, marrazkilaria, grabatzailea eta watercolorist (en)
Genero artistikoa	genero-margolana; lore-pintura; paisaia margolaritza; erretratua

Luis Paret y Alcázar (Madril, 1746ko otsailaren 11 - Madril, 1799ko otsailaren 14a) espainiar margolaria izan zen.

Luis Paret y Alcázar: Autorretratua, Pradoko Museoan, Madril

Biografia

San Fernandoko Akademian egin zituen ikasketak. Frantziara eta Italiara egin zituen bidaiak. Frantziako margolaritzaren eragin handia izan zuen. 1780tik 1786ra Bilbon bizi izan zen, eta han ezkondu zen. Bere artearen erakusgarri ugari utzi zuen hiri honetan: arkitektura-proiektuak (hiltegia, Santiagoko plazatxoko iturria, Santiago elizako aste santuko monumentua), erretratuak eta abar. 1786an, Euskal Herriko eta Kantabriako portuen ikuspegiak margotzea eskatu zion Karlos III.ak (Bilboko Areatzako ikuspegiak, Olabeaga, Bermeo, Hondarribia, Donostia, Pasaia eta abar). Vianako Santa Maria elizan dago Pareten pintura-multzo garrantzitsu eta osoena. 1786-1787 bitartean, iturri publiko batzuk proiektatu zituen Iruñerako (Gaztelu plazako iturria, Navarreria plazako iturria eta abar). 1789an, Madrilera joan zen bizitzera, eta San Fernandoko Akademiako Arkitektura Saileko idazkariorde izendatu zuten.

Iruditegia

Errege bikoteak (1770)
Madrilgo Pradoko Museoa.
Genianiren denda (1772)
Lázaro Galdiano museoa.
Madrilgo Sol ataria (1773)
Kubako Arte Ederren Museo Nazionala.
Kaia, Olabeaga, 1786 inguru.
Bermeoko ikuspegia (1783)
Bilboko Arte Ederren Museoa.
Itsas ikuspegia (Santurtzi) (c. 1784-86)
Cerralbo Museoa.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

(Gaztelaniaz):Maria Jesus Cava Mesaren erreportaia Bilboko margolariaren erbesteari buruz.

Datuak: Q283412
Multimedia: Luis Paret y Alcázar / Q283412

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.