Luis Martín-Santos

Luis Martín-Santos
	; Irudi gehiago
Bizitza
Jaiotzako izen-deiturak	Luis Martin Ribera
Jaiotza	Larache, 1924ko azaroaren 11
Herrialdea	Gipuzkoa
Bizilekua	Donostia
Heriotza	Gasteiz, 1964ko urtarrilaren 21a (39 urte)
Heriotza modua	istripuzko heriotza: trafiko-istripua
Familia
Aita	Leandro Martín-Santos
Anai-arrebak	ikusi Leandro Martín-Santos Ribera (en) ;
Hezkuntza
Heziketa	Salamancako Unibertsitatea
Hizkuntzak	gaztelania
Jarduerak
Jarduerak	psikiatra, idazlea, eleberrigilea, kazetaria, poeta, mediku idazlea eta medikua
Lan nabarmenak	ikusi Tiempo de silencio;
Izengoitia(k)	Luis
Genero artistikoa	eleberria

Luis Martín-Santos Ribera (Larache, Maroko, 1924ko azaroaren 11 – Gasteiz, 1964ko urtarrilaren 21a) donostiar idazle eta sendagilea izan zen. Gaztelaniaz idatzi zituen bere obrak.

Bizitza

Bere aita, Leandro Martín-Santos, mediku militarra zen. Ondorioz, Luis Martín-Santos Rifeko Gerraren erdian, Larachen jaio zen, une horretako espainiar posizio bakanetako bat. Bost urte zituela joan zen Donostiara bizitzera. Medikuntza ikasketak egin zituen Salamancan eta Madrilen eta 1946 urtean lizentziatu zen. 1951n Donostiako psikiatrikoko zuzendari izendatu zuten.

Frankismoaren kontra jardun zuen, Alderdi Sozialistaren inguruan, eta kartzelan egon zen, horregatik, behin baino gehiagotan. Uste denez, Melitón Manzanasek torturatu zuen.[1] Orduko haren lagun Enrique Múgica bezala, PSOEren kide klandestinoa izan zen.

Medikuntzari buruzko saiakerak idatzi zituen, bereziki kirurgiaz eta psikiatriaz, hala nola Dilthey, Jaspers y la comprensión del enfermo mental (1955) eta Libertad, temporalidad y transferencia en el psicoanálisis existencial (1964). Fama literaturatik etorri zitzaion, 1962an Tiempo de silencio (Isiltasun garaia) eleberria argitaratu zuenean. Bertan, ikuspegi ironiko batetik agertzen du hiri handi bateko giroa, oso teknika landu baten bidez. Eleberri hori da, gaztelaniazko literatura modernoan, nagusietako bat. Hura izan zen haren obra bukatu bakarra,^{[erreferentzia behar]} baina istripuz hil ondoren, zenbait testu eta eleberri bukatu gabe baten zatiak argitaratu zizkioten: Tiempo de destrucción (1975) eta Apólogos y otras prosas inéditas (1970). Hil ondoren, haren izena eman zioten zuzendari izan zen erietxeari.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

(Gaztelaniaz) País, Ediciones El. (2001-01-28). «Reportaje | HABLAN LAS VÍCTIMAS DE MELITÓN MANZANAS» El País ISSN 1134-6582. (Noiz kontsultatua: 2019-01-11).

Bibliografia

Grana gris (1945).
Dilthey, Jaspers y la comprensión del enfermo mental (1955).
Tiempo de silencio (1962).
Libertad, temporalidad y transferencia en el psicoanálisis existencial (1964).
Apólogos y otras prosas inéditas (1970, hil ondokoa).
Tiempo de destrucción (1975, hil ondokoa).

Ikus, gainera

Euskal Herriko erdal idazleak.
Leandro Martín-Santos

Kanpo estekak

Datuak: Q1381427
Multimedia: Luis Martín-Santos / Q1381427

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] (Gaztelaniaz) País, Ediciones El. (2001-01-28). «Reportaje | HABLAN LAS VÍCTIMAS DE MELITÓN MANZANAS» El País ISSN 1134-6582. (Noiz kontsultatua: 2019-01-11).